You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
маналарны анълатмагъа тырышынъыз.<br />
Махмуд Къырымлынынъ «Хикяет-и Юсуф ве<br />
Зулейха» дестанынынъ сюжети<br />
Кеньан шеэринде яшагъан Якъуп Пейгъамбернинъ алты<br />
къадынындан он эки огълу ола. О, Юсуф адлы огълуны пек севе.<br />
Юсуф дюньягъа кельгенде, онынъ анасы джан бере ве о, агъасы<br />
Ибн Яминнен берабер оксюз къалалар.<br />
Якъуп Пейгъамбер яш баласы олгъан (еудий) джариени базардан<br />
сатын ала. О, Юсуфнынъ сют анасы ола, оны эмизе. Куньлернинъ<br />
биринде джарие (къараваш) бир коксюни озь огълуна эмизгенини<br />
сезип къалгъан Якъуп Пейгъамбер ачувлана ве балачыкъны<br />
Мысыргъа сатып йибере:<br />
Якъуб ич эслемеди,<br />
Сёзюни динълемеди.<br />
Сатты онынъ огълуны<br />
Къалды гъариб агълаю.<br />
Якъуп Пейгъамбернинъ япкъан арекетине даянып<br />
оламагъан джарие, Ислям динини къабул эте, Аллахтан онынъ<br />
джезаланмасыны тилей:<br />
Ахыры козьсюз къалгъыл,<br />
Юсуфынъдан айрылгъыл.<br />
Дюрлю асретлер корьгиль<br />
Дилерим айанмаю.<br />
Юсуф он яшыны толдургъанда, коктен ай, кунеш ве он эки<br />
йылдыз энгенини тюшюнде коре. Якъуп Пейгъамбер огълуна бу<br />
тюшни табирлеп, онынъ султан оладжагъыны ве он бир агъасы<br />
онъа келип теменна этеджеклерини айта. Амма, агъалары тюшке<br />
севинмейджек лерини билип, тюшни оларгъа айтмакъны ясакъ<br />
эте. Лякин бу лакъырдыны эшиткен Юсуфнынъ аласы тюшни<br />
торунларына еткизе. Юсуфны эвель де севмеген агъалары бу<br />
янъылыкъны эшитип, пахыллыкътан даа бетер яна-якъылалар.<br />
Оны ольдюрмек къарарына келелер. Амма озьара давалашкъан<br />
сонъ, Юсуфны Адд адындаки къуюгъа ташлайлар. Къозу къанында<br />
булгъалангъан Юсуфнынъ кольмегини Якъуп Пейгъамберге<br />
косьтерип, къардашыны борю ашады дейлер.<br />
61
Change language