Create successful ePaper yourself
Turn your PDF publications into a flip-book with our unique Google optimized e-Paper software.
айдын тасвирлене.<br />
«Кефе дестаны»нда беян этильген тарихий вазиетлер халкъ<br />
тилинен реаль суретте тасвир этилелер. Бу девирдеки зорлукълар<br />
ве халкънынъ башына тюшкен мушкюлликлер эсерде тафсилятлы<br />
беян олуна.<br />
Халкънынъ мераметлик дуйгъу-ислери бойле сатырларда<br />
тасвир олуна:<br />
«Чокъ виляет: — Языкъ, — деди — Кефеге».<br />
«Джем алып, эписи зарланып агълар,<br />
Бу не буюк, зор фелякет Кефеге?!»<br />
«Олса эди, бир мерамет Кефеге?!»<br />
Демек, бу сатырларда халкънынъ башына тюшкен мусибетлер<br />
чокъусы алларда ичтимаий-сиясий вазиетлернинъ тесиринден даа<br />
зияде осаллашкъаны косьтериле. «Кефе дестаны»на къошулып<br />
берильген къошмада да айны шу адисе-вакъиалар акъкъында<br />
лакъырды юрютиле. Халкънынъ ве джемиетнинъ илерилевини<br />
дженклер, хасталыкълар чаналаткъаны халкъ нидасы ве<br />
садасынен бильдириле.<br />
КЕФЕ ДЕСТАНЫ [27]<br />
(Дестандан парча)<br />
Кефе карантининден чыкъты бир атеш,<br />
Ич кимседен ёкътыр ярдым Кефеге.<br />
Дженк мейданы киби инъледи саваш,<br />
Чокъ виляет: «Языкъ, — деди, — Кефеге».<br />
Зебанийлер дёрт яныма кельдилер,<br />
Баштан аякъ мешин урба кийдилер,<br />
Къанджер иле олюлерни чектилер,<br />
Къана, кимден ярдым олсун Кефеге?!<br />
Къарадан эм дерьядан багъланды ёллар,<br />
Башымызгъа недир кельген бу аллар?<br />
Джем олып, эписи зарланып агълар,<br />
Бу не буюк, зор фелякет Кефеге?!<br />
Агълашты джумлеси, шашты эр инсан,<br />
«Ай-вай» этерек, эйледи фигъан,<br />
Къаплады Кефени, этти пис зиндан,<br />
163
Change language