ULISSE 7-8 - LietoColle

Al s dà na petnèda a la mèj
as guèrda int al spèc’ cu i ò’c slargà
cómm un ch’an s védd mía.
Ai è tótt da sbrighèr
tótt chi quî da fèr
na fûria na più fâta ròba
via, ndémm, a so pronta alôra.
Prémm ai è la cîsa
i panchétt dûr i fiûr
al prêt ch’al bacâja
l’Alda inplicià cómm al sòlit
e dópp
dópp la tèra, al bûs
in dovv al métten dênter
na mâsa d’ân al bûr
nciûn ch’al dscorra cu teg
nciûn ch’al séppa in dovv t ê
al tênp ch’al s asluntèna
e chi èter ch’i rujjen fôrt
e po’
brîsa più gnînt
sulamênt un gran silênzi.
E i la ciâmen pès.
(Si dà una pettinata alla meglio/ si guarda nello specchio con gli occhi slargati/ come uno che non si vede
mica./ C’è tutto da sbrigare/ tutte quelle cose da fare/ una furia una più fatta roba/ via, andiamo, sono
pronta allora./ / Prima c’è la chiesa/ i panchetti duri i fiori/ il prete che parla/ l’Alda impellicciata come al
solito/ e dopo/ dopo la terra, il buco/ dove lo mettono dentro/ un mucchio d’anni al buio/ nessuno che
parli con te/ nessuno che sappia dove sei/ il tempo che si allontana/ e gli altri che piangono forte/ e
dopo/ più niente/ solamente un gran silenzio./ E la chiamano pace.)
*
Là nevghè n’ètra vólta.
al fradd am s atâca adòs
cómm un fiolên int al fiómm
ch’al vol zughèr.
Pâsa un òm
tótt cûrv rintanà
int la gabèna nêgra
e mé a l guèrd e mé e lù
a parêm int al mênter ch’al guèrd
pròpri al stéss quèl.
(Ha nevicato ancora./ il freddo mi si attacca addosso/ come un bambino nel fiume/ che vuole giocare./
Passa un uomo/ tutto curvo rintanato/ nel giaccone nero/ e io lo guardo e io e lui/ sembriamo mentre lo
guardo/ proprio la stessa cosa.)
*
Żug
Nuéter a żughên cómm i żûghen
quê ch’ i żûghen a sold:
zacâja zacâja i én sênper povrétt.
(Gioco// noialtri giochiamo come giocano/ quelli che giocano a soldi: // litiga litiga son sempre poveretti)
213