SEKONDÊRE SKOOLLEERDERS SE BELEWENIS VAN ...

4.1 INLEIDING
HOOFSTUK 4: RIGLYNE, GEVOLGTREKKINGS EN
AANBEVELINGS
The range of what we think and do
is limited by what we fail to notice
And, because we fail to notice,
that we fail to notice; there is little we can do to change –
Until we notice how failing to notice
shapes our thoughts and deeds
- R.D. Laing –
Die deelnemers aan hierdie ondersoek beleef dus aggressie tydens die kommunikasie
met hul onderwysers. Die graad elf leerders beleef eerstens n gebrek aan wedersydse
respek. Hierdie disrespek word dan geopenbaar in sekere praktyke van disrespek wat
tydens kommunikasie deur onderwysers en leerders uitgeleef word. Die uitlewing van
hierdie praktyke van disrespek bring dan n negatiewe intrapersoonlike belewenis mee
aan die hand van negatiewe interpersoonlike belewenis tydens kommunikasie met die
onderwyser. Die leerders beleef dan in hierdie tipe kommunikasie interaksie ook die
afwesigheid of gebrek aan sekere belangrike beginsels van onderwyser-leerder
kommunikasie wat verhoudings tussen onderwysers en leerders aanmoedig. Aggressie
tydens die kommunikasie met onderwysers word dus as uiters disrespekvol deur
leerders beleef. Wanneer hierdie disrespek beleef word kom die kommunikasie situasie,
wat hiermee gepaard gaan, neer op die belewenis van n parallelle-monoloog waar
elke party betrokke by die kommunikasie situasie egosentries vaskleef aan hul eie
perspektief. In hierdie tipe interaksie beleef leerders frustrasie weens die feit dat hulle
nie aangehoor word nie. In terme van die kommunikasie interaksie kleef die
deelnemers dus aan hul rol as senders in die interaksie. Die belewenis van hierdie
parallelle-monoloog benadeel die totstandkoming van die helpende verhouding tussen
onderwyser en leerder. Ek sal dus nou riglyne voorstel vir die effektiewe hantering van
kommunikasie tussen die onderwyser en die leerder wat die konneksie tussen
onderwysers en leerders tot stand bring en in stand hou kommunikasie waarin die
- 89 -