SEKONDÊRE SKOOLLEERDERS SE BELEWENIS VAN ...

elke situasie en elke persoon uniek is. Onthou dat die leerder leer van aksies van die
onderwyser, omdat aksies in hierdie ondersoek gesien word as kommunikasie en dat
kommunikasie poog om die ontvanger van boodskap in die een of ander opsig te
verander. Daar sal dus opvoedkundig gesproke geleenthede wees waar leerders
verskillend behandel sal word van mekaar. Hierdie differensiasie van onderrig of
individualisering moet nie verwar word met inkonsekwentheid nie. Die woordeboek
(HAT, 2000:594) verklaar konsekwent as: Wat logies voortvloei uit die voorafgaande;
aan die logiese voortvloeisels getrou blywend: Die konsekwente toepassing van
beginsels, jou oordeel. Die konsekwente gevolg van jou dade. Jy moet konsekwent bly
al werk dit soms tot jou nadeel. Iemand wat altyd konsekwent handel en daarom deur
almal vertrou word. Konsekwentheid bou dus vertroue in die onderwyser-leerder
verhouding en fasiliteer dus respekvolle dialoog.
c) Erkenning van uniekheid tydens dialogiese kommunikasie met leerders
Potgieter (2005:11) beskryf dan onder sterk positiewe verhouding met leerders dat dit
van uiterste belang is om die kind as individu te ken sodat positiewe verhouding tot
stand kan kom. Die onderwyser sal veel eerder in die posisie wees om kind te help en
te begelei, deur dialogiese kommunikasie, wanneer hy/sy die kind se unieke agtergrond,
probleme, talente en tekortkominge ken met ander woorde die kind se perspektief kan
insien. Hy stel dit dat: Die onderwyser vir wie dit erns is om die kind behoorlik op te
voed, doen dit met waardigheid en met hoogagting vir die kind se besondere wyse van
in-die-wêreld-wees, sodat die kind hom op grond van sy eie, vrywillige beslissinge aan
die gesag van menswaardige behoorlikheidseise sal onderwerp. Die miskenning of
ontkenning van die individuele leerder se unieke manier van dink en doen word dus deur
die leerder basies beleef as n objektivering en miskenning van hulle unieke menswees
en sal disrespek en diskonneksie tydens die leerder en onderwyser kommunikasie in die
hand werk.
d) Betrokkenheid by leerders tydens dialogiese kommunikasie
Goleman (2006:106-107) beskryf dan dat daar by interpersoonlike kommunikasie
melding gemaak kan word van die ek-jy verhouding wat dan staan teenoor die ek-dit
verhouding. Betrokkenheid dui, myns insiens, ook op die ken-verhouding wat
- 111 -