SEKONDÊRE SKOOLLEERDERS SE BELEWENIS VAN ...
SEKONDÊRE SKOOLLEERDERS SE BELEWENIS VAN ...
SEKONDÊRE SKOOLLEERDERS SE BELEWENIS VAN ...
Create successful ePaper yourself
Turn your PDF publications into a flip-book with our unique Google optimized e-Paper software.
Dit is duidelik dat hierdie aspekte van beleefde aggressie in kommunikasie tussen<br />
onderwyser en leerder verband hou met die uitlewing van wedersydse disrespek,<br />
teenoor die uitlewing en voorlewing, van wedersydse respek. Gebrek aan positiewe<br />
agting vir mekaar as persoon. Hierdie disrespek manifesteer dan onder andere in <br />
versuim om na mekaar te luister. Hierdie luister is nie net weiering om te hoor nie,<br />
maar dit is duidelik dat selfs al hoor die onderwyser en leerder mekaar hulle steeds<br />
luister vanuit hul eie perspektief en basies dan nie met mekaar praat of dialoog voer<br />
nie, maar twee monoloë parallel tot mekaar voer. Hierdie parallelle-monoloog-voering<br />
verteenwoordig die breuk in onderwyser-leerder-kommunikasie waarna ek vroeër<br />
verwys het. Sonder luister met begrip, word die gestuurde boodskap, van watter vorm<br />
of aard ook al, nie ontvang nie en word die verhouding tussen onderwyser en leerder<br />
dus verbreek. Gordon en Burch (1974:3) verwys daarna dat letterlik volumes navorsing<br />
dui op die kritieke belang van luistervaardighede in die fasilitering van leer. Hulle stel dit<br />
dat meeste ouers en onderwysers biologies toegerus is om te luister en verder, dat hulle<br />
met oefening die vaardigheid kan aanleer om na jongmense te luister. Hulle is verder<br />
van mening dat onderwysers elke dag na leerders luister maar, dat wat hulle dink hulle<br />
hoor nie noodwendig is wat die leerder besig is om te kommunikeer nie.<br />
Hoewel dit dus onmoontlik is om nie emosie te kommunikeer nie, soos vroeër na verwys<br />
vanuit Goleman (2006:85) is dit, myns insiens, duidelik vanuit die data dat die<br />
kommunikasie so gelaai kan wees deur aggressie en die beleefde miskenning van die<br />
ander persoon se waardigheid-as-persoon dat ware dialoogvoering baie moeilik of selfs<br />
glad nie kan plaasvind nie. Hierdie aspek van konneksie, teenoor diskonneksie, wat te<br />
voorskyn kom vanuit die data oor leerders se belewenis van aggressie tydens<br />
kommunikasie met hul onderwysers, sal indringend verdere aandag geniet in hoofstuk 4.<br />
3.4.2 Leerders se negatiewe belewing van aggressie tydens kommunikasie met<br />
hul onderwysers<br />
Leerders beleef dan aggressie tydens kommunikasie met hul onderwysers oorwegend<br />
negatief. Die volgende subkategorieë van leerders se intrapersoonlike en<br />
interpersoonlike belewenis van aggressie tydens kommunikasie met hul onderwysers<br />
het dan duidelik geword vanuit die data.<br />
- 59 -