SEKONDÊRE SKOOLLEERDERS SE BELEWENIS VAN ...

4.3 GEVOLGTREKKINGS
Na afloop van die navorsing kom ek dus tot die volgende gevolgtrekkings.
4.3.1 Doelstellings
Die doelstellings van hierdie navorsing was gewees om:
• Sekondêre skool leerders se belewenis van aggressie tydens kommunikasie met
hul onderwysers te verken en te beskryf
• Riglyne vir effektiewe kommunikasie tussen sekondêre skool leerders en hul
onderwysers met spesiale verwysing na die hantering van aggressie tydens die
kommunikasie verhouding te beskryf
4.3.2 Navorsingsontwerp en metode
Die navorsingsontwerp is kwalitatiewe ontwerp en is dus verkennend, beskrywend en
kontekstueel van aard. Die navorsingsontwerp is ook fenomenologies van aard en rus
op fenomenologiese beginsels en metodes. Die navorsing het in twee fases geskied
Die fokus gedurende FASE 1 was die beskrywing en kwalitatiewe analise van graad elf
leerders se belewenis van aggressie tydens kommunikasie met hul onderwysers. In
wese n soeke na die impak van onderwyser kommunikasie. In hierdie navorsing is
fenomenologiese metodes en beginsels toegepas. Giorgi (1997:5) beskryf dan
fenomenologiese metodes in kwalitatiewe navorsing as: the task is to describe the
intentional objects of consciousness from within the perspective of the
phenomenological reduction. Hierdie wetenskapsfilosofie en metode kom dus daarop
neer dat gepoog word om die individu se gedrag en ervaring te verstaan binne die
raamwerk van sy eie belewenisse. Die fokus gedurende FASE 2 was om riglyne vir
effektiewe kommunikasie tussen sekondêre leerders en hul onderwysers te beskryf met
spesiale verwysing na die hantering van aggressie tydens die kommunikasie
verhouding. Dit is gedoen deur deeglik te besin oor wat deur die data en literatuur
gedurende fase een geopenbaar is asook die aanbevelings en beskrywings rondom
aggressie en kommunikasie beskikbaar in die literatuur te bestudeer.
- 119 -