SEKONDÊRE SKOOLLEERDERS SE BELEWENIS VAN ...

Die belang van die stemtoon in onderwysers se kommunikasie met leerders word dus
deur baie van die deelnemers as van groot belang beskryf vir hoe die kommunikasie van
die onderwyser beleef word. Hulle sê byvoorbeeld:
“… dit is eintlik nie ʼn goeie ding nie, want niemand wil vra nie want die
onderwyser, dis asof haar stemtoon is net in so manier dat jy half, um,
hoe kan ek sê… jy voel sy raas met jou en sy baklei met jou.”
Dit word ook so beskryf:
“ Um, as jy as jy haar iets vra dan is dit asof die juffrou vir jou sê jy is
onnosel as jy dit nie kan doen nie, dis half asof sy wil jou nie regtig help
nie, ma sy moet ma want sy is die onderwyser.”
Die volgende aanhaling is vir my van groot betekenis in terme van die toon van
kommunikasie en die transmissie van affek:
“… Ja ek weet nie, maar die onderwysers… hulle word maar deur die
kinders… ek weet nie, dit is asof kinders kan aanvoel, sal ek maar sê,
dat onderwysers hulle respekteer en waar… die onderwyser geen
respek het vir die klas nie, ek dink die kinders kan dit… voel en hulle
kan dit sien, so dan word daar ook nie terug nice met hulle gewees nie,
en ook nie vir hulle geluister nie.”
“ Ek dink die onderwyser moet uitgaan met die kind want dan word dit
baie vinniger uitsorteer as wat die kind uitgejaag word en die kind gaan
vertel leuens. X moet die kind hoof toe vat dat die hoof die kind se
ouers bel, dit is hoe ek voel, as ʼn onderwyser op ʼn kind afgaan voel die
kind ja nee, ma die onderwyser hou niks van my nie, en ek weet nie wat
als nie, dan probeer hulle dit die volgende dag weer en, ek kry dit reg,
nou moet die onderwyser my net slaan.”
Goleman (2006:85) beskryf dance of feelings of kommunikasie van gevoel. Hy is van
mening dat selfs as ons ophou praat kan ons nie ophou om seine te stuur soos
stemtoon en vlietende ekspressies en gesigsuitdrukkings en liggaamshoudings wat ons
- 48 -