SEKONDÊRE SKOOLLEERDERS SE BELEWENIS VAN ...

a) Negatiewe impak op akademiese belewenis en houding in die klas
Die akademiese belewenis van leerders word dan ook geraak deur die belewenis van
aggressie tydens die kommunikasie van die onderwyser aangesien dit daadwerklike
impak op die verhouding tussen onderwyser en leerder het. Hierdie impak op die
verhouding het dan weer op sy beurt impak op die leerder se akademiese belewenis,
uitlewing van hulself in daardie klas sowel as die houding wat hulle jeens die vak
openbaar. Een van die leerders stel die verband tussen beleefde aggressie tydens
kommunikasie met die onderwyser en hul houdings jeens die vak wat die onderwyser
aanbied so:
“ Ja, die juffrou is so met daai vak, dan is daai vak so. Ja, dan doen ek
so teenoor daai vak…”
“ Die vak is soos die juffrou is…”
Hierdie belewenis dat die vak deur die leerder beleef word soos wat hulle die
onderwyser beleef is n belangrike aanduiding dat die beleefde onderwyser
kommunikasie n wesentlike impak het op leerders se belangstelling en dat, die leerarea
of inhoud van n vakgebied, in die leerder se belewenis, sterk met die persoon en
dus ook kommunikasie van die onderwyser geassosieer word. Dit kom dus daarop neer
dat die negatiewe belewing van die onderwyser se interpersoonlike kommunikasie kan
lei na die negatiewe belewenis van die inhoude van die leerarea of dan, vak wat met die
onderwyser geassosieer word. Seifert (2004:1138-1148) haal dan vir Weiner
(1984,1985) aan wat van mening is dat betekenisse wat leerders toeken (die vak is soos
die juffrou is) aanleiding gee tot emosies wat dan weer gevolge het vir gedrag en
motivering in die toekoms.
b) Verlaagde belangstelling in die vakinhoud
Die volgende belewenisse illustreer dan dat die leerder amper gepreokkupeer word met
die ervaring wat die onderwyser by hul tuisbring en dan belangstelling in die vakinhoud
wat deur die onderwyser onderrig word kan verloor op grond van die belewenis. Die
deelnemers aan hierdie navorsing beskryf dit so:
- 76 -