SEKONDÊRE SKOOLLEERDERS SE BELEWENIS VAN ...

c) Outentiekheid
Volgens Johnson (2006:134) is een van die mees belangrike elemente van
interpersoonlike kommunikasie die geloofwaardigheid van die sender. Sendergeloofwaardigheid
of outentiekheid verwys volgens Johnson, na die ontvanger se geloof
in die vertrouenswaardigheid van die sender se stellings en is van mening dat die
sender deur die ontvanger beoordeel word op die volgende dimensies; die
vertrouenswaardigheid van die sender as bron van informasie; die intensies van die
sender of die motiewe van die sender die sender behoort oop en toeganklik te wees
oor watter effek hy/sy wil hê hulle boodskap op die ontvanger moet hê; die ekspressie
van warmte en vriendelikheid; die meerderheid se opinie oor die
vertrouenswaardigheid van die sender; die relevante kennis van sender rondom die
tema onder bespreking en die dinamika van die spreker. Energieke sprekers word ook
as meer geloofwaardig beleef as minder energieke sprekers. Johnson stel dit dat tensy
die sender van n boodskap geloofwaardig is vir die ontvanger, die ontvanger nie die
boodskap sal aanvaar nie en dat die sender nie effektief met die ontvanger sal kan
kommunikeer nie. Volgens Gillis (1994:21) is die kommunikasie van opregtheid of
egtheid n essensiële kenmerk van die helpende verhouding. Die persoon moet beleef
dat die helper hom of haar ontvang op n persoonlike vlak. As die persoon beleef dat die
helper oop en eerlik is sal hulle aangemoedig word om dit ook te doen en die
outentiekheid van die helper sal op hierdie manier die helpende verhouding versterk.
4.2.2.2 Kommunikasie wat konstruktiewe interpersoonlike vaardighede en n helpende
verhouding fasiliteer
Covey (2004:191) beskryf dat kommunikasie sonder twyfel die belangrikste vaardigheid
is om aan te leer. Hy stel dit dat daar basies vier vorms van kommunikasie is naamlik:
lees, skryf, praat en luister en dat die meeste mense twee derdes tot driekwart van hulle
produktiewe tyd spandeer aan hierdie vier vorme van kommunikasie. Hy beskryf dat
luister veertig tot vyftig persent van hierdie kommunikasie-tyd uitmaak en dat luister
besmoontlik die vaardigheid is waarin ons die minste onderrig ontvang. Volgens hom
het minder as 5 persent van ons meer as twee weke se opleiding daarin om aktief te
luister. Hy is van mening dat baie mense dink hulle weet hoe om te luister omdat hulle
dit die heeltyd doen, maar dat as jy werklik eerlik moet wees met jouself jy meestal
luister vanuit die perspektief van jou eie verwysingsraamwerk. Hy beskryf die intensiteit
- 99 -