SEKONDÊRE SKOOLLEERDERS SE BELEWENIS VAN ...

“ Wanneer ʼn onderwyser my uittrap oor iets wat ek wel gedoen het dan
vat ek dit soos dit kom want ek weet ek was verkeerd.”
McPherson et al.(2004:366) beskryf dan dat verskeie bewyse daarop dui dat wanneer
onderwysers wel aggressie beleef hulle hierdie gevoel duidelik aan die leerders in hul
sorg moet kommunikeer. Dit moet so kalm as moontlik bespreek word met die leerders,
en daar moet ook na leerders geluister word en die onderwyser moet deurentyd
regverdig wees. Negatiewe belewenis van aggressie tydens kommunikasie van die
onderwyser word aansienlik verminder as dit deur die leerder as geregverdig beleef
word. Potgieter (2005:5) verduidelik dat leerders uiters skerpsinnig is as dit kom by die
opmerk van enige vorm van onregverdigheid en ongeregtigheid en dat leerder wat
verontreg voel moontlik parmantige gesindheid mag handhaaf wat nie met hulle
alledaagse optredes ooreenstem nie. Hy is dan verder van mening dat waar leerders
verontreg voel die onderwyser die kwessie in openlike bespreking behoort te
fasiliteer waar die onderwyser moet poog om die leerder se perspektief op die situasie te
verbreed. Die volgende belewenis dien as voorbeeld van die belang van die belewenis
van regverdig:
“… ek het eendag besluit ek gaan ook nou maar praat en in die klas
rondloop en so aan, toe begin die juffrou op my skree, toe sê ek vir haar
ja juffrou is baie onregverdig want x mag dit doen en sy mag dat doen
en as ek net een keer dit doen dan wil juffrou nou my kop afbyt… toe sê
sy vir my ja, sy kan onregverdig wees as sy wil en sy kan wees soos
wat sy wil teenoor kinders en sy kan voortrek wie sy wil en goed en dit
was baie onregverdig teenoor al die ander kinders gewees.”
Potgieter (2005:5) beskryf die nadelige effek van voortrekkery. Hy is van mening dat
leerders wat voorgetrek word en wat onderwysers se witbroodjies en stuurjongens is,
meestal ongewild raak by die res van hulle maats. Hy is dan van mening dat die
onderwyser, in so geval, te blameer is vir so toedrag van sake. Let daarop dat die
deelnemer hierdie belewenis beskryf teen die agtergrond van die vraag na beleefde
aggressie tydens die kommunikasie van die onderwyser. Daar kan dus afgelei word dat
die leerder hier ter sprake die minagting van sy of haar perspektief vereenselwig met
die belewenis van aggressie. Hierdie belewenis dui ook, myns insiens, op die misbruik
van mag en gesag wat ook dan deur leerders as minagting of dan disrespekvol beleef
- 80 -