SEKONDÊRE SKOOLLEERDERS SE BELEWENIS VAN ...

egin bewe), by die leerder ontketen. Die vorm van ekspressie vir, kwaad word
toe wip ek my gat, is interessant, al word dit metafories bedoel, aangesien dit myns
insiens ook dui of fisiese ervaring van aggressief-word. Volgens Gordon en Burch
(1974:148) kan aggressie gesien word as houding of aksie nie ware gevoel of
emosie nie. Gordon stel dit ook dat, baie maal, kort nadat persoon aggressief
opgetree het hy of sy ware fisiologiese reaksie toon soos vinnige hartklop en bewe.
Goleman (1996:14,15) beskryf hierdie fisiese reaksie en teenreaksie op aggressie as
emotional hijacking. Hy is van mening dat emosionele kaping gebeur wanneer
streek in die limbiese gedeelte van die brein basies die beheer van kognisie oorneem.
Volgens hom gebeur hierdie kaping voordat die neokorteks n geleentheid gehad het om
die beskikbare inligting te prosesseer. Persone wat dit beleef het rapporteer dan
volgens Goleman (1996:14,15) dat hulle nie weet wat oor hulle gekom het nie. Die
reaksie van die leerders dui dus hier op die aggressie van die leerders in respons op
beleefde aggressie van die onderwyser. Hierdie belewing van aggressie as teenreaksie
op belewing van aggressie tydens kommunikasie met die onderwyser word dan op
verskillende wyses deur leerders uitgeleef in hul gedrag soos gesien kan word aan die
beskrywings.
b) Openlike kommunikasie van aggressie
Daar is ook leerders wat bereid is om hulle gevoel van aggressie jeens onderwyser te
verbaliseer en op so manier direk hulle ongemak met onderwysers se kommunikasie
gedrag te kenne te gee soos blyk uit hierdie beskrywing:
“ Ek sal by voorbeeld sê juffrou ek’s net besig om te werk...kalmeer
net!”
“… partykeer as ek dit verdien sal ek dit aanvaar ander kere sal ek net
kwaad word en terug praat.”
“ Aan die begin is dit direk, as ek my eerste kommentaar gee dan is dit
om vir haar te sê luister ek dink dit is onaanvaarbaar – jy skree nie op
my nie.”
- 61 -