SEKONDÊRE SKOOLLEERDERS SE BELEWENIS VAN ...

eenvoudig gestel, nie werk nie. In hulle opinie lok onderdrukkende magsgebaseerde
metodes gewoonlik weerstand, rebellie en weerwraak uit. Hy is verder ook van mening
dat selfs al sou daar klaarblyklik n verandering in n leerder se gedrag wees, die ou
gedragspatroon weer gevolg word, die oomblik wanneer die onderwyser nie aan die
leerder aandag gee nie. Gordon en Burch (1974:148) stel dit dan ook dat onderwysers
erken dat hulle aggressiewe boodskappe oor die algemeen beskou kan word as pogings
om leerders te straf of om hulle die een of ander les te leer, omdat hulle die een of ander
gevoel by die onderwyser te weeg bring. Die volgende beskrywing deur deelnemer
aan hierdie navorsing is, myns insiens, voorbeeld van wat bedoel word:
“ People are always looking and what they are looking for is attention,
every teenager is looking for attention, when you get to a sense of
taking me out in front of a whole class it breaks down your character.
We don’t want that, do we? We don’t want you to break down our
character because then you are breaking our spirit and that is not a
good learning environment, is it? And that’s stuff that stays with
you… that hits you… very hard and that is when kids get grudges
against a teacher or certain person…”
“ ...And that’s stuff that stays with you…”
Respek in die onderwyser-leerder kommunikasie is dus nie slegs respek ter wille van
respek nie, maar is integrale deel van wat leerders leer, hoe hulle dit leer en selfs of
hulle werklik enigiets van waarde leer op die lange duur. “ Stuff” “that really matter
in the long run for learners.”
b) Praktyke van disrespek deur leerders geïmplementeer
Hoewel die probleemstelling van hierdie navorsing toegespits is op die leerders se
belewenis van aggressie in die kommunikasie van hul onderwysers en hoewel dit uit die
data blyk dat leerders hierdie aggressie beleef as disrespekvol, blyk dit ook vanuit die
data dat graad elf leerders hulle mede-leerders eweneens as disrespekvol in
kommunikasie teenoor onderwysers beleef. Hulle beskryf dus eweneens verband
tussen disrespekvolle kommunikasie en aggressie teenoor hul onderwysers. Dit is
duidelik as ons die volgende beskrywings ondersoek:
- 55 -