SEKONDÊRE SKOOLLEERDERS SE BELEWENIS VAN ...

duidelik geraak deur die belewenis van aggressie tydens die kommunikasie van die
onderwyser met die leerders en onderwyser- leerder verhoudings het dan weer n impak
op leerders se akademiese prestasie.
3.4.3 Die belewenis van ’n gebrek aan navolging van belangrike beginsels vir
onderwyser-leerder kommunikasie as boustene tot leerder-onderwyser
verhoudings, gebaseer op respek
In die uitlewing en voorlewing van verhoudings tussen leerders en onderwysers
gebaseer op respek is daar sekere verhoudings uitdagings wat in die data na vore kom.
Hierdie verhoudinguitdagings kan dan ook beskryf word as die ignorering van sekere
beginsels wat gepaardgaan met verhoudings wat op respek gebaseer is.
3.4.3.1 Die belewenis van onregverdigheid tydens kommunikasie
Die volgende dui dan op die inlewing of meelewing van die ander leerders wat dalk nie
direk by die interaksie betrokke is nie, maar wat wel die transmissie van affek beleef en
dus ook betrokke raak by die kommunikasie gebeure. Die belewenis van
regverdigheid of onregverdigheid of dan geregverdigheid in die onderwyser se
kommunikasie word dan ook deur die waarnemers van die interaksie beleef.
“ Ek voel dis… as ek dit verdien het dat sy my moet uittrap, as sy moet
aggressief raak, ok, dan is dit oraait, sy kan dit doen ek sal niks doen
nie, maar as ek dit nie verdien het nie, ek het niks verkeerd gedoen nie
en sy begin my uittrap oor, niks nie dan… ek hou dit in maar ek voel so
sleg binnekant en ek kry half soos ʼn wrok teen die juffrou en jy begin
sleg doen in haar vak, as jy daai huiswerk sien dan wil jy dit nie doen.”
“ Ok, ons was in die wiskunde klas en x het soos iets nie verstaan nie en
toe “ raid” juffrou heeltemal op haar en sy het vir x tot trane gedryf en
toe sy gehuil het toe gaan juffrou nog steeds op haar af, ek voel dit is te
erg, jy doen nie dit aan ʼn kind nie, die kind het nie verstaan nie dan
probeer jy hom help, dit het my sleg laat voel en ek het ook half – dit het
gevoel asof die juffrou my ook uittrap.”
- 79 -