SEKONDÊRE SKOOLLEERDERS SE BELEWENIS VAN ...

sentrale vraag gebruik gemaak word. Om die navorser hierin by te staan sal protokol
vir die onderhoud dus opgestel word (sien bylaag H). Creswell (2004:200) stel dit dat
die rol van die navorser, veral in kwalitatiewe navorsing gesien kan word as die hoof
data insamelings instrument en dat dit dus nodig is om persoonlike waardes aannames
en voorkeure aan die begin van die studie reeds uit te klaar.
2.4.1.5 Data-analise
Die beginsels van kwalitatiewe navorsing word deur Henning, Van Rensburg en Smit
(2004:127) beskryf as n kwalitatiewe analise wat deurlopend plaasvind deur die hele
proses van data-insameling. Die soeke na ooreenkomste, verskille, kategorieë, temas,
konsepte en idees vorm alles deel van kontinue proses. In hierdie navorsing sal daar
van oop kodering gebruik gemaak word en Tesch se metode, soos In Creswell
(2004:192), vir die analise van die kwalitatiewe data sal gebruik word. Daar sal van n
onafhanklike kodeerder gebruik gemaak word en konsensus gesprek sal gevoer word.
Tesch se metode bestaan uit agt opeenvolgende stappe en word dan deur Creswell
(2004:192) as volg beskryf:
a) Stap 1 Verkry n gevoel van die geheel deur al die transkripsies deur te lees.
Idees wat gevorm word, kan aan die kant neergeskryf word.
b) Stap 2 Kies een onderhoud, die mees interessantste, kortste of boonste een op
die hoop. Gaan daardeur met die gedagte waaroor gaan dit? Dink veral aan
die onderliggende betekenis eerder as die inhoud en skryf die idees aan die kant.
c) Stap 3 Sodra stap twee op verskeie onderhoude toegepas is maak n lys van
die temas wat voorkom. Groepeer soortgelyke temas saam. Plaas temas in
tabel met hooftemas, unieke temas en ander temas as opskrifte.
d) Stap 4 Neem die lys temas en gaan terug na die data. Kort die temas af in die
vorm van kodes en skryf die kodes langs toepaslike gedeeltes in die teks. Nuwe
temas en kodes mag voorkom.
e) Stap 5 Besluit op die mees beskrywende bewoording vir die temas en verdeel
dit in kategorieë deur soortgelyke temas.
f) Stap 6 Neem n finale besluit oor die afkortings van elke kategorie en rangskik
kodes alfabeties.
g) Stap 7 Rangskik die data wat in elke kategorie hoort in een plek en doen n
voorlopige analise.
- 27 -