SEKONDÊRE SKOOLLEERDERS SE BELEWENIS VAN ...

gevoelens verklap nie. Hy is van mening dat selfs as mense hulle eie gevoelens
probeer onderdruk, dit op manier sal uitlek, hy is van mening dat, as dit by emosies
kom, dit byna onmoontlik is om dit nie te kommunikeer op die een of ander manier nie.
Mudge, Ginnan, Priesmeyer (2006:34) beaam ook die belang van die affektiewe
belewenis van leerders tydens kommunikasie. Hier word die toon of ondertoon van
die onderwyser se kommunikasie dus as vernederend en disrespekvol beleef. Die
deelnemers wys ook daarop dat hierdie ervaring daartoe kan lei dat leerders so optree
dat hulle aggressiewe optrede van die onderwyser uitlok. Negatiewe ondertoon tydens
kommunikasie lok dus die belewenis van disrespek en aggressie by leerders uit en
deelnemers beskryf dan ook dat leerders dan geneig sal wees om met n uitlokkende
uitdagende houding tydens kommunikasie met die onderwyser te reageer. Dit is
duidelik dat die leerders hierdie soort aggressie in die toon van die onderwyser se
kommunikasie as verwerping van hulself as persoon laat beleef en nie as verwerping
van hul gedrag nie. Nie alleen is dit die verbale kommunikasie van die onderwyser wat
die leerder as verwerping beleef nie maar dit is ook duidelik dat die uitjaag van leerder
uit die klaskamer eweneens beleef word as soort persoonlike verwerping.
• Persoonsaantasting en etikettering
In hierdie belewenisse van die deelnemers word dit duidelik dat leerders deur die
onderwyser gestereotipeer en geëtiketteer word as sulke kinders en ook as nie
normale mense nie.
“ Toe sê die juffrou, nee sy gaan haar hoof toe stuur en alles um… want
daar hoort nie sulke kinders in ons skool nie en toe het sy net gesê dit
het haar seergemaak.”
“ Um, dit was soort van, nee x kan duidelik in haar optrede sien wat by
die huis aangaan en dis nie, wat nie, dis van, hulle is nie normale
mense nie.”
Volgens Microsoft Encarta (2007) se woordeboekfunksie kan stereotipering as volg
beskryf word: Stereotyping (sociology), perpetuating a simplistic image of a category of
person, institution, or culture (Greek stereos, solid, and typos, mark) Walter Lippman,
in his book Political Opinion (1922), borrowed the concept to refer to the pictures in our
- 49 -