SEKONDÊRE SKOOLLEERDERS SE BELEWENIS VAN ...

onderwyser die allesoorheersende faktor in die prestasie en motivering van leerders is
nie, maar dat dit wel invloed het, is duidelik, soos gesien kan word vanuit die volgende
belewenisse:
” ...almal doen nou swak daaroor en ek en my vriendin sal haar mok en
al sulke goeters oordat sy altyd so op ons pik.”
”… ons het ma deur dit gewerk… maar ek voel as ek dalk ʼn ander
onderwyser gehad het, wat beter met ons was, kon ek nog beter
presteer het in daai vak…”
Dit is dus duidelik dat die belewing van aggressie tydens die kommunikasie van die
onderwyser negatiewe impak het op die akademiese houding en motivering van die
leerder en dan veral ten opsigte van die vak wat deur die betrokke onderwyser onderrig
word. Die volgende belewenisse getuig hiervan:
“ Ok dit is baie vernederend want sy doen dit altyd voor die klas en sy
laat jou voel of jy dom is en ja, nou nie spesifiek sy nie maar meeste
onderwysers doen dit en as jy nou vir haar iets vra of vir hom iets vra
dan laat hulle dit so klink – ‘hoor hier, stupid vraag, ek gaan dit nie
antwoord nie, so moenie my vra nie’ en dan lei jou akademie
daaronder…”
“ Ja, dit is nie lekker, ek is soos… ek dink net dan hoe moet daai kind
dan voel… dit is glad nie… goed vir daai kind in enige manier nie, dit
help hulle nie om beter te doen of… um ek dink baie onderwysers dink
dat as hulle, soos lelik praat, met persone of kinders of wat ook al, dan
sal die kinders meer gemotiveerd wees om beter te doen of om die
kinders se respek te wen of so iets en… dit is nie so nie.”
Seifert (2004:1138- 48) is dan van mening dat die kritiese faktor in die leerproses, die
interaksie tussen onderwysers en leerders is. Aggressiewe interaksie of dan
kommunikasie interaksies waartydens aggressie beleef word deur leerders het dan
hiervolgens n beduidende negatiewe invloed op akademiese belewing van n
leergeleentheid en dus ook moontlik prestasie. Interpersoonlike verhoudings word dus
- 78 -