SEKONDÊRE SKOOLLEERDERS SE BELEWENIS VAN ...

• Uitlokkende gedrag
Wordnet elektroniese woordeboek (woordnet 3.0, 2006 by Princeton University.) beskryf
dan provocation as: unfriendly behavior that causes anger or resentment something
that incites or provokes; a means of arousing or stirring to action. Dit is dan duidelik dat
leerders ook soms hulle onderwyser uitlok daartoe om aggressief op te tree.
“ So… dit probeer laat, laat dit is dat die onderwyser die minderwaardige
een is, dan dis verkeerd want daar is baie kinders wat as hulle
terugpraat dan is dit asof hulle alles weet en hulle moet sê en dit, maar
die onderwyser is die een wat ons moet leer.”
“ Nie op die kind te gil en af te gaan nie, want ek voel dit is wat die kind
wil hê – dat die onderwyser moet aggressief word sodat die onderwyser
hom kan aanrand en dan kan hy ʼn klag lê teen die onderwyser.”
“ Ja, sy moet nie die kind los dat hy aangaan en aangaan en aangaan tot
op ʼn punt en dan word hulle kwaad vir die kind nie, ek voel die kinders
lok die onderwysers uit sodat hulle kan slaan en dit is verskriklik maklik
dat jy iemand uitlok om jou te slaan.”
“ Ek dink baie, baie van die onderwysers se aggressie is as gevolg van
die kinders.”
Wikipedia.org (http://en.wikipedia.org/wiki/Provoke) beskryf dat: A provocation is an act
that causes a response. Uitlokking is ook: something that incites, instigates, angers, or
irritates (http://dictionary.reference.com/search?r=2&q=provocation). Hierdie belewenis
van leerders maak dit dus duidelik dat leerders soms intensioneel onderwysers uitlok om
aggressief op te tree die intensie met disrespekvolle kommunikasie is dus soms,
volgens die deelnemers aan hierdie navorsing, om die onderwyser te laat sleg lyk, te
diskrediteer of uit te lok.
• Minagting
Deelnemers beskryf dan dat onderwysers soms as persoon geminag word deur die
leerders in hulle sorg.
- 57 -