SEKONDÊRE SKOOLLEERDERS SE BELEWENIS VAN ...

geskryf nie. Uit die res van die deelnemers het twaalf wel naïewe sketse geskryf
waarna fenomenologiese onderhoud met hulle gevoer is. Na die afloop van die
individuele fenomenologiese onderhoude is fokusgroep-onderhoud gevoer met sewe
vrywillige deelnemers. Al die deelnemers aan die fokusgroep, behalwe een seun, het
ook eers naïewe sketse geskryf alvorens die fokusgroep-onderhoud met hulle gevoer is.
Gedurende onderhoude sowel as direk na die afloop van alle onderhoude is veldnotas
geneem.
3.3 OPERASIONALISERING VAN DIE NAVORSING
Die sentrale vraag is:
“ Wat is graad elf leerders se belewenis van aggressie tydens kommunikasie met
hul onderwysers?”
Hierdie vraag is in die naïewe sketse sowel as beide individuele fenomenologiese
onderhoude as die fokusgroep-onderhoud geoperasionaliseer as:
“ Hoe is dit vir jou wanneer jou onderwysers aggressief is wanneer hulle
met jou praat?”
Hierdie geoperasionaliseerde formaat van die sentrale vraag kom voor op beide die
protokol vir die skryf van die naïewe skets sowel as die protokol vir die individuele
fenomenologiese onderhoude en die fokusgroep-onderhoud. Die protokol vir die
onderhoude is ook gekombineer met standaard uitleg vir die afneem van veldnotas.
(Sien bylaag B protokol vir onderhoude en standaard uitleg van veldnotas sowel as
opsomming van veldnotas sien bylaag A toestemmingsbriewe en bylaag C
voorbeeld van transkripsie en analise onderhoud 12.) In hierdie ondersoek is daar dus
hoofsaaklik gepoog om vertrouenswaardigheid te verkry deur die gebruik van data
triangulering wat deur Creswell (2004:1960) beskryf word as die gebruik van
meervoudige data bronne om fenomeen te help verstaan. Die meervoudige data
bronne wat in die ondersoek gebruik is, is reeds genoem en word in Figuur 3.1
geïllustreer.
- 37 -