SEKONDÊRE SKOOLLEERDERS SE BELEWENIS VAN ...

189) kom dan tot die slotsom dat daar ook derde metode is waar niemand verloor nie.
Hulle beskryf die houding van beide onderwyser en leerder wanneer metode een en
twee gebruik word as: stubbornness, discourtesy, inconsiderateness. Hulle is van
mening dat beide metode I en metode II disrespek vir die behoeftes van die ander
persoon kommunikeer. In hierdie interaksies loop die verloorder gewoonlik weg met n
gevoel van bitterheid en woede. Dit veroorsaak gewoonlik sterk teenstand en skep min
motivering in die verloorder om die oplossing te implementeer. Die uitvoering van die
oplossing verg dan langdurige versterking deur die wenner. Dit beperk die
ontwikkeling van self-verantwoordelikheid en self-werksaamheid en vestig en onderhou
dan kultuur van submissie deur vrees.
Die derde opsie vir die oplossing van konflik word dan deur Gordon en Burch (1974:184)
as wenslik beskryf. Hulle noem hierdie metode, metode III of te wel die geen verloor
benadering en strategie – wat rus op die beginsels van realistiese outentieke outoriteit,
wedersydse respek en empatie. Metode III word dan beskryf as proses waar verskeie
interaksies nodig mag wees soos wat die onderskeie partye deur hulle konflik werk.
Effektiewe interpersoonlike kommunikasie is van kardinale belang vir die gebruik van
hierdie metode. Die basiese idee is dus eintlik eenvoudig, maar dit is essensieel dat die
onderwyser wat die metode met vrug wil aanwend, sekere basiese kommunikasie
vaardighede moet toepas. Hierdie basiese vaardighede sluit in effektiewe konfrontasie
deur die gebruik van ek-boodskappe en dan ook aktiewe luister vanuit die
verwysingsraamwerk van die leerder. Die gebruik van ek-boodskappe help om
duidelike, eerlike boodskappe te stuur sonder dat daar vooraf enige blaam
gekommunikeer word terwyl aktiewe luister verseker dat die boodskap wat in respons
gestuur word op hierdie kommunikasie duidelik en sonder eensydige filtrering ontvang
en verstaan word.
Die gebruik van die twee tegnieke bied myns insiens weerstand teen die ontstaan van
wat ek vroeër in die skrywe beskryf het as die “ parallelle-monoloog, waar dit slegs
oor self-handhawing en egosentriese selfbehoud gaan en nie oor outentieke
kommunikasie en hulp nie. In hierdie oop kommunikasie kanaal, wat in stand gehou
word deur outentieke ek-boodskappe en aktiewe empatiese luister vanuit die
verwysingsraamwerk van die leerder, kan daar dus nou gesoek word na oplossing vir
die probleem wat die aggressie veroorsaak. Adele Faber en Elaine Mazlish, outeurs
- 94 -