SEKONDÊRE SKOOLLEERDERS SE BELEWENIS VAN ...

van die data-insameling. Op die vraag “ Hoe is dit as die onderwyser afgaan?” antwoord
deelnemers:
“ Die onderwysers het gesê as jy op ʼn situasie afkom as jy met ʼn
onderwyser wil redeneer oor iets en daar gebeur ʼn situasie dan praat
julle dinge rustig uit en as jy rustig is met die onderwyser, is hulle
rustig met jou, maar sodra die probleem nou kom, en dan...gil hulle
dadelik op jou dit is nie eers van tweede dink nie, dit is altyd van direk
aggressief op jou wees en dit is nogal scary.”
“ Die juffrou mik so op jou en dan… dan crack sy net…ʼn alarm gaan af
want hy skree hy raas en hy maak lawaai, almal moet weet… die
onderwyser gaan af op jou en die alarm gaan af, selfde ding.”
“… hulle toon nie respek teenoor jou om op jou te skree en aggressief te
wees nie.”
“ Ek weet nie hoe om dit te beskryf nie maar, ek luister dan nie meer vir
die onderwyser nie, want dit is half vir my, Ok (die onderwyser) praat
nie regtig met my nie so hoekom moet ek vir (die onderwyser) luister –
die onderwyser skree dan op my!”
Hierdie bevelende trant waarin die leerders slegs aangespreek word maar nie
aangehoor word nie dui daarop dat die tweerigting kommunikasie of dialoog tussen
onderwyser en leerder verruil word vir monologiese aanspreek vorm. Deelnemers
beskryf, byvoorbeeld:
“… en een outjie loop met sy hande in sy sak en x gaan so… put your
hands out of your pockets… ma so mislik, dit is nuwe kinders nou
behandel x hulle so… Sy kon hom net gesê het dit is een van die reëls
en haal asseblief… die onderwyser kon asseblief gesê het, haal
asseblief jou hande uit jou sakke uit.”
Hassandra, Bekiari en Sakellariou (2007:2) beskryf die belang en uitwerking van verbale
aggressie op leerders as n aanval op die individu se self-konsep. Hierdie aanval word
- 45 -