SEKONDÊRE SKOOLLEERDERS SE BELEWENIS VAN ...

lyk ook vanuit my veldnotas dat ek hier opgemerk het dat die aanspreek van leerders
voor ander leerder probleem is. Spesifiek waar leerders aangespreek word voor
ander leerders is dit of die deelnemers rapporteer dat hulle emosionele reaksie,
spesifiek aggressiewe teenreaksie daarteenoor, heftiger is as andersins waarskynlik
omdat die sosiale aard van die vernedering n groter impak maak op hulle selfkonsep.
Die volgende opmerking toon die belang daarvan om die privaatheid van die leerders te
respekteer en leerders nie voor ander leerders te verneder nie.
“ Want sy sal altyd iets terug sê wat harder en seerder maak – voor die
hele klas.”
“ Ek dink as juffrou jou soos alleen vat en met jou gaan praat daaroor en
nie soos voor die hele klas op jou skree nie, want dan skakel jy
onmiddellik af en jy wil jouself verdedig.”
“ Well we experience, basically everybody experiences the same
thing… anger anguish, um… remorse, sometimes you feel remorse not
all the time because some of the time you are guilty then you’ll admit it
but in our things our teenagers you won’t experience any remorse you
just feel very much angered. You would feel towards or I would feel
towards one of the teachers in a sense that they are doing me in, in a
sense… they can take me out… but they don’t have to do it in front of
people.”
Mudge et al. (2006:10) beskryf dan shame as n besondere sterk primêre emosie wat
beleef word wanneer ons n gevoel kry van persoonlike swakheid of n gebrek in onself
of ander persoon waarneem. Dit word dus baie duidelik vanuit die data dat die leerders
aangevat verneder of verkleineer voel as persoon, sou hulle aggressie beleef vanaf hul
onderwysers waar ander leerders of persone dit waarneem. Ek sou dus verneder of dan
sosiaal verkleineer aan die hand van hierdie ondersoek beskryf as skaam maak voor
ander. Dit is dan ook opvallend afwesig in die data dat geen van die deelnemers aan
hierdie ondersoek n privaat interaksie waar net die betrokke onderwyser en leerder
teenwoordig is, beskryf as belewenis van aggressie tydens kommunikasie met
onderwysers nie. Die belewenis van aggressie tydens kommunikasie word altyd beskryf
in terme van n publieke belewenis voor ander. Die leerders se reaksies wissel dan
- 67 -