SEKONDÊRE SKOOLLEERDERS SE BELEWENIS VAN ...
SEKONDÊRE SKOOLLEERDERS SE BELEWENIS VAN ...
SEKONDÊRE SKOOLLEERDERS SE BELEWENIS VAN ...
Create successful ePaper yourself
Turn your PDF publications into a flip-book with our unique Google optimized e-Paper software.
“ Ek voel kwaad, maar ek kan niks terug sê nie ek is te bang ek kan niks<br />
terug sê nie.”<br />
“ Partykeer word ek so kwaad dat ek nie eers agterkom wat ek dink en<br />
sê nie.”<br />
Mudge, Grinnan en Priesmeyer (2006:4) beskryf dat emosies neurologiese en<br />
biochemiese prosesse is wat beide reageer op wat ons dink en voel maar dan ook weer<br />
beïnvloed wat ons dink en voel. Hulle verwys dan na Pert (1999) wat beskryf dat daar<br />
geen manier is om emosie van kognisie en fisiese prosesse te skei nie omdat dit n<br />
essensiële konneksie tussen verstand en liggaam verteenwoordig. Hulle is verder ook<br />
van mening dat intense woede en vrees twee emosies is wat makliker is om waar te<br />
neem en te beskryf as ander gemengde gevoelens maar dat ons meestal n mengsel<br />
van basiese emosies beleef wat moeilik is om uit mekaar te ken. Mudge et al. (2006:10)<br />
beskryf dan woede as een van elf basiese emosies. Hulle beskryf dat mense woede<br />
beleef wanneer hulle voel dat iemand met opset iets doen of n oortreding begaan wat<br />
ons of ons familie en vriende kan skade berokken. Hulle is van mening dat woede<br />
inspireer tot optrede en dat dit saam met die emosie van woede n begeerte laat<br />
ontstaan om die bron van die woede te verander of uit die weg te ruim.<br />
• Magteloosheid, moedeloosheid en frustrasie<br />
Leerders beleef ook saam met die vrees en woede gevoel van magteloosheid en<br />
moedeloosheid wat, myns insiens, die frustrasie is van behoefte aan positiewe agting<br />
soos gesien kan word aan die volgende beskrywings:<br />
“ Ek kan niks terug sê nie ek bly altyd stil, ek voel ek kan huil net ek kan<br />
nie terug praat nie ek kan nie.”<br />
“… party onderwysers is oraait maar meeste is van, hulle way of dit is<br />
glad nie… ja daar is nie ʼn oplossing vir hulle nie.”<br />
“ Die onderwyser kan mooi met ʼn mens praat, maar wil almal wys hulle<br />
is ouer, beter, en slimmer as jy en jy is maar ʼn kleintjie teenoor hulle.”<br />
“ Dit is asof ek moet stilbly voordat alles uitkom.”<br />
- 65 -