SEKONDÊRE SKOOLLEERDERS SE BELEWENIS VAN ...

that “ burst.” I don’t even like my mom bursting on me, that is what
feeds the conflict and throws fire, you know petrol on the fire. It’s just
making it worse… The more teachers that can take kids and deal with
the situation in a calm and collected way...the better.”
“ So she is communicating with you but she, sticks to the facts…
Although she is communicating in a way, I understand that right, she
wants you to succeed… that’s what she is actually communicating.”
Volgens Van den Aardweg en Van den Aardweg (1993:140) dui motivering op die
dryfveer of psigiese vitaliteit van die persoonlikheid wat aan die gang gesit word deur
die wil van die persoon. Dit is dus verwant aan die motiewe of doelstellings van die
persoon en gee dus rigting aan die persoon se gedrag wat selfaktualisering fasiliteer.
Stipek (2006:46) haal vir Osterman (2000) aan waar sy met hierdie skrywer saamstem
dat een van die beste aanduiders van leerders se betrokkenheid en moeite wat hulle in
hul skoolaktiwiteite insit is hulle verhoudings met hul onderwysers. Volgens Stipek
(2006:46) behoort onderwysers ondersteunende sosiale kontekste te skep as hulle hoë
akademiese standaarde wil handhaaf. Sy stel dit dat sy die afgelope 30 jaar navorsing
doen oor leerders se motivering om te leer en sy beskryf dan haar ervaring as volg: I
have interviewed hundreds of students from preschool through high school to identify
the classroom practices that engender effort in schoolwork. My observations confirm a
broad body of research that has demonstrated that students function more effectively
when they feel respected and valued and function poorly when they feel disrespected or
marginalized.
3.4.2.2 Leerders se interpersoonlike belewing van aggressie tydens kommunikasie
met onderwysers
Interpersoonlike verhoudings word dus duidelik geraak deur die belewenis van
aggressie tydens die kommunikasie van die onderwyser met die leerders. Dit wil vir my
voorkom asof leerders se belewenis van aggressie tydens die kommunikasie van die
onderwyser dan veral waar die interaksie plaasvind ter aanskoue van die leerder se
portuurgroep byna polarisasie meebring van leerder teen onderwyser. Dit is asof
daar magspel ontstaan waar daar net een wenner en een verloorder kan wees en in
die proses lei die onderwyser-leerder verhouding skade. In die loop van die narratief
- 74 -