SEKONDÊRE SKOOLLEERDERS SE BELEWENIS VAN ...

vanaf passiewe-aggressiewe-respons tot openlike aggressiewe respons of ontrekking
aan interaksie en kan dan verbaal of nie-verbaal aan onderwysers gekommunikeer
word. Die deelnemers beskryf talle van hierdie belewenisse:
“ Dit was nie nodig om met my te baklei nie, hulle kon vir my mooi gesê
het en dan sou ek geluister het, anyway, ma toe wou die onderwyser my
aanvat op ʼn slegte manier nou wil ek nie weer terug gaan
nie… (navorser) Oraait so verduidelik vir my bietjie hierdie “ aanvat” op
die verkeerde manier… Dit is voor die hele klas en sodra ʼn onderwyser
met jou baklei voor die hele klas dan voel jy verkleineer voor almal.”
e) Beleefde impak op self-konsep
Dit blyk dus dat leerders aangetas voel as persoon of dat hulle waardigheid aangetas
word. Deelnemers beskryf dus dat die belewenis van aggressie in onderwysers se
kommunikasie hulle as persoon minderwaardig laat voel. Hierdie gevoel van
minderwaardigheid kan ook interpreteer word as negatiewe evaluasie van die self as
persoon en het dan ook bes moontlik soms impak op self-konsep van die leerders.
“ Ek het regtig so kleinlik gevoel teenoor die ander kinders.”
“ Dit voel of hulle dink jy hoort nie in die skool nie… of jy is nie slim
genoeg vir hulle nie…”
McGraw (2002:92-93) verduidelik dat die persoon met n gesonde selfkonsep die wêreld
anders sal benader en anders sal optree as n persoon wat aan hulself twyfel. Hy is van
mening dat mens sekere lewens ervarings beleef wat jy op reageer en interpreteer.
Die resultaat hiervan is stel gewaarwordinge omtrent jouself: beoordelings oor jou
bekwaamheid, waarde, waardigheid, aanvaarbaarheid, persoonlike krag en mag wat jou
self-respek beïnvloed. Gebaseer op hierdie evaluasie van jouself, en die
vereenselwiging van jouself met sekere eienskappe aanvaar jy dan, volgens McGraw
(2002:92-93) konstante persona wat jy aan die wêreld voorhou; gebaseer op hierdie
klomp self-relevante en self-gegenereerde identifiseerbare karakter eienskappe en die
aanbieding daarvan aan die wêreld, maak jy stelling aan die wêreld in alles wat
gebeur. McGraw stel dit verder dat elke resultaat sukses of mislukking wat beleef
- 68 -