Konfrans materialları (kitab 2) - Bakı Slavyan Universiteti

II Beynəlxalq konfrans
televiziya proqramlarından ədəbiyyatın tədrisində istifadə etdikdə bədiiliklə
elmilik, şəxsiyyətlə sənət arasındakı əlaqələr daha qabarıq şəkildə özünü göstərir.
V.V.Yeqorov qeyd edir ki, hər bir tədris proqramı sinifdə, ya da fakultətiv
məşğələdə istifadə edilməsindən asılı olmayaraq, həm öyrədir, həm də tərbiyə edir
[9; s. 18-21].
―Dramaturgiya və teatr‖ proqramları ədəbiyyat müəllimlərinə imkan
verir ki, məktəbdə ədəbiyyatın tədrisini şagirdlərin gündəlik tələbləri ilə
əlaqələndirilsin, onların maraq və dünyagörüşlərini inkişaf etdirsin. Bu ntipli
proqramlar şarirdlərin dramaturgiyamız haqqında və dramaturqlarımızın
şəxsiyyəti və yaradıcılıq laboratoriyaları haqqında təsəvvürlərini xeyli gücləndirir.
Buna da televiziya şərait yarada bilir.
Ədəbi-bədii verilişlər C.Cabbarlının, S.Vurğunun, S.Rəhimovun iş
üslubuna, yazıb-yaratmaq tərzinə məktəblilərin diqqətini cəlb etmək, proqrama
daxil olan həmin yazıçı və şairlərimizin həyat və yaradıcılığını tədris edərkən
ədəbiyyat müəllimlərinə böyük kömək olur.
Ədəbiyyat müəllimlərinin böyük qismi bu fikirdədilər ki, televiziya
proqramları məktəbliləri bədii əsəri və onun sənətkarlıq xüsusiyyətlərini başa
düşməyə kömək edir. Şagirdlərin müstəqil nəticə çıxartmağa hazır olmadıqları
halda televiziya proqramları onlara xeyli kömək edir və bu tipli proqramlar
problematikanı anlamağa şərait yaradır, həm düşündürür, həm də araşdırmağa
sövq edir.
Keçən əsrin ikinci yarısında dövlət televiziyasında əks-səda doğuran bir
proqram yayınlamışdı. Belə deyə bilərik ki, o zaman bu proqram özü-özünün
təbliğatçısına çevrilmişdi. Mərhum aktyorumuz Həsən Turabovun klassik
ədəbiyyatımızdan oxuduğu qəzəllər, qəsidələr, müxəmməs və müstəzadlar
şagirdləri elə təsir altına almışdır ki, hər bir kitabxanalara axın etməyə başlamışdı.
Hal-hazırkı vaxtda da bəzi televiziya kanalları Səməd Vurğun, Süleyman Rüstəm,
Bəxtiyar Vahabzadə kimi görkəmli şairlərin şeirlərindən videoroliklər hazırlayıb
yayımlayırlar. Bütün bunlar tədris proqramında olan şeirlərin yaddaşına həkk
olunmasına səbəb olan müsbət hadisədir.
Ədəbiyyatşünaslıq üzrə mütəxəsislərimiz mavi ekran vasitəsilə
ədəbiyyat dərslərinin iştirakçıları, bəzisi isə hətta aparıcıları olurlar. Belə uğur
əldə edən ədəbiyyatşünaslarımızdan B.Nəbiyevin, X.Əlimirzəyevin,
R.Hüseynovun, folklorşünas alim A.Nəbiyevin səlis və aydın çıxışlarını ədəbiyyat
müəllimləri hər zaman minnətdarlıq hissi ilə qarşılayırlar. Onu da xüsusi qeyd edə
bilərəm ki, yuxarıda adlarını qeyd etdiyim ədəbiyyatçılarımızda biz müəllimlərlə
çiyin-çiyinə çalışırlar. ədəbiyyatın tədrisini günün tələbləri səviyyəsinə gətirilib
çıxartmağa çalışmalıyıq.
110