Konfrans materialları (kitab 2) - Bakı Slavyan Universiteti

II Beynəlxalq konfrans
ayında Almaniyaya səfəri zamanı Bondakı soydaşlarımızla görüşdə dediyi sözlər
hələ də öz aktuallığı ilə qarşıda durur: ―...mən demirəm ki, azərbaycanlıların
hamısı bir yerə yığışsın, bu heç lazım da deyil. Ancaq hamısının qəlbi, fikri,
gələcəyə baxışı və Azərbaycan haqqında fikirləri bir olsa, əlbəttə ki,
respublikamız da öz müstəqilliyini bundan sonra da möhkəmləndirər, inkişaf
yolunu məharətlə keçə bilər...Mən Azərbaycan Prezidenti kimi, xalqımızın mənə
göstərdiyi etimada güvənərək respublikamıza rəhbərlik edən şəxs kimi deyirəm:
Azərbaycanın özündə də bu günümüzün, gələcəyimizin zəmanəti, rəhni birlikdir
və bütün dünyada da soydaşlarımızın bir olması vacibdir‖[1, səh 5-6].
Soydaşlarımızla hər görüşündə mövcud problemlərə, diaspor quruculuğu
sahəsində yol verilən boşluqlara toxunan milli lider Heydər Əliyev həmin
problemlərdən çıxış yollarını göstərir, dünyanın hansı ölkəsində yaşamasından
asılı olmayaraq, hər bir azərbaycanlını Vətənin inkişafı və formalaşması işində
yaxından iştirak etməyə çağırırdı: ―Mən, İsveçrə, Belçika, Fransa, Böyük
Britaniya, Norveç və digər ölkələri özlərinə yeni vətən seçən azərbaycanlılarla
görüşmüşəm. Onlar öz vətənləri, dili, milli mədəniyyəti üçün darıxırlar. Məhz bu
etnik və dini bağlılıq onları bir – birinə bağlayır, daha da yaxınlaşdırır. Təəssüf ki,
azərbaycanlıların əksəriyyəti siyasi aktivlik göstərmirlər. Bilirəm ki, Almaniyada
200-dən çox azərbaycanlı yaşayır. Türkiyəli qardaşlarımızın sayı isə iki milyona
çatır. Məlumdur ki, hər iki ölkənin diaspor nümayəndələri arasında sıx əməkdaşlıq
edir. Odur ki, bu əməkdaşlıqdan səmərəli istifadə olunmalıdır‖[6, s.356].
1998-ci ilin iyul ayının sonlarında Böyük Britaniyada rəsmi səfərdə olarkən
isə Azərbaycan Respublikasının Prezidenti Heydər Əliyev bu ölkədə yaradılan
cəmiyyət və birliklərimizin gələcək fəaliyyət prinsipləri barədə fikirlərini
bildirmişdir: ―Siz burada, Böyük Britaniyada yaşayan azərbaycanlıların
nümayəndələrisiniz. Azərbaycanlılar dünyanın çox ölkələrində yaşayırlar. Mən
1993-cü ildən Azərbaycan Respublikasının Prezidentiyəm və daim qeyd edirəm
ki, müxtəlif ölkələrdə azərbaycanlıların problemlərindən biri də ondan ibarətdir ki,
soydaşlarımız bir-birilə yaxın əlaqə qurub, ümumi Azərbaycan üçün təəssübkeşlik
naminə yaxşı birləşə bilmirlər‖[3, s.66].
Milli lideri diasporçuluq işində narahat edən əsas məsələlərdən biri də
Fransada yaşayan təxminən 200 minə yaxın azərbaycanlının nisbətən zəif təsir
bağışlaması, ideoloji savaşda istənilən kimi əzmkarlıq və mübarizlik nümayiş
etdirməməsi idi. Odur ki, Fransada hökumət nümayəndələri ilə görüşündə
H.Əliyev iki ölkə arasında iqtisadiyyat, mədəniyyət, elm, təhsil və digər sahələrdə
uzunmüddətli əməkdaşlığın perspektivləri barədə fikir mübadiləsi aparmaqla
yanaşı, Azərbaycan torpağında gedən müharibə ilə əlaqədar məsələlərə, bu ölkədə
milli ideoloji işin düzgün qurulmasına, Fransada yaşayan soydaşlarımızın həyat
tərzinə geniş yer verirdi[4, s.50].
Məhz bunun da məntiqi davamı kimi, 13-15 yanvar 1997-ci ildə baş tutan
növbəti səfər çərçivəsində ümummilli lider Fransada yaşayan azərbaycanlılarla
147