Konfrans materialları (kitab 2) - Bakı Slavyan Universiteti

II Beynəlxalq konfrans
9. 87 milyon 600 min manat həcmində vəsait Azəri-Çıraq-Günəşli
yataqlarının işlənməsi üzrə layihədə Azərbaycan Respublikası Dövlət Neft
Şirkətinin iştirak payının tənzimlənməsinə yönəldilmişdir.
Azərbaycanın milli iqtisadiyyatı dünya iqtisadiyyatında təkcə neft sahəsi
ilə təmsil olunmamaq üçün bir çox perspektivli sahələrə malikdir. Azərbaycan
Respublikası Sahibkarlığa Kömək Milli Fondunun Müşahidə Şurasının 08 may
2009-cu il tarixli iclasının qərarı ilə (Protokol №7) ―Azərbaycan Respublikası
iqtisadiyyatının sahələri və iqtisadi rayonlar üzrə prioritet istiqamətlər‖ təsdiq
edilmişdir. Bu sənədə əsasən milli iqtisadiyyatın prioritet sahələri aşağıdakılar
hesab edilir:[8]
1. İnformasiya texnologiyalarının inkişafı;
2. Turizm sektoru;
3. Kənd təsərrüfatı;
4. İnnovasiya yönümlü sahibkarlıq fəaliyyəti;
5. Yeyinti sənayesi;
6. Yüngül sənaye
7. Kimya sənayesi;
8. Maşınqayırma sənayesi;
9. Yerli xammala əsaslanan tikinti materialları istehsalı;
10. Əhalinin ənənəvi və tarixi əmək vərdişlərinə əsaslanan iqtisadiyyat
sahələri;
11. Ağac emalı və mebel istehsalı;
12. Xidmət sahələri.
Qeyd edək ki, ölkənin uzunmüddətli iqtisadi və sosial inkişafını təmin etmək
üçün mühüm alətlərdən biri olan investisiya siyasətinə ―Azərbaycan Respublikası
regionlarının 2009-2013-cü illərdə sosial-iqtisadi inkişafı Dövlət Proqramı‖nda da
geniş yer verilir. Dövlət Proqramında bu sahədə əsas vəzifənin - iqtisadiyyatın
bütün sahələrinə investisiya qoyuluşu imkanlarının genişləndirilməsi və daha
əlverişli investisiya mühitinin təmin edilməsi məqsədilə bütün investorlar üçün
azad rəqabət mühitinin yaradılmasından və bu sahədə mövcud normativ-hüquqi
bazanın təkmilləşdirilməsindən ibarət olacağı bildirilir. Belə bir cəhət diqqəti
xüsusi olaraq cəlb edir ki, Dövlət Proqramı çərçivəsində müasir istehsal
avadanlıqlarının idxalının təşviqinə diqqətin artırılacağı nəzərdə tutulur.
Dünyada mövcud olan qlobal problemlərin həllində mühüm vasitələrdən biri
olan turizm hazırda sürətlə inkişaf edən biznes sahəsidir. Bir çox sahələrdən fərqli
olaraq, turizm sənayesi daha qısa müddət ərzində səmərə verə bilir. Əgər neftin
çıxarılması və satılması yalnız müqavilələr baglandıqdan 5-6 il sonra iqtisadi
səmərə verirsə, turizmə qoyulan vəsait bir ildən sonra gəlir verməyə başlayır və
digər sahələrə nisbətən 10-12% çox iş yerlərinin açılmasına şərait yaradır.[9, 80]
Bu gün əsas məsələ Azərbaycanın milli və azad iqtisadiyyatının ölkənin
xüsusiyyətləri, dünyanın inkişaf meylləri nəzərə alınmaqla qurulmasındadır. Milli
446