Gjuha shqipe 2 - Media Print

104
Brunilda ÇERRAGA
68. Tema: Gënjeshtra i ka këmbët e shkurtra
Linja: Gjuhë e folur
Nënlinja: Të folurit
Struktura e orës dhe objektivat sipas niveleve
Struktura Strategji dhe teknika Objektivat
P – Parashikimi Tryeza e rrumbullakët
N- Ndërtimi i
njohurive
Të riprodhojë shpejt atë që mendon për
shprehjen e dhënë.
Gushëkuqi rrethor Të shpjegojë përsenë e çdo figure.
P – Përforcimi Mendo/Trego në dyshe Të bëjë një evidencë të gabimeve të Pinokut.
Mjete: Libri i nxënësit, Pinoku lodër, libri i Pinokut etj.
Zhvillimi i mёsimit:
Parashikimi: Tryeza e rrumbullakët
Shkruan mësuesi/ja në tabelë shprehjen: Gënjeshtra i ka këmbët e shkurtra
Nxënësit vendosen në formë rrethore. Mësuesi/ja u jep një letër të bardhë dhe kërkon që të
shkruajnë nga një shpjegim për të, qoftë edhe një fjalë, se si e kuptojnë këtë shprehje ose
fjali. Nxënësi i parë merr fletën dhe shkruan fjalën ose mendimin që i vjen ndërmend e
palos atje ku ka shkruar dhe ia pason shokut ngjitur. Kjo veprimtari vazhdon derisa të
shkruajnë të gjithë nxënësit e rrethit. Në fund, mësuesi/ja hap fletën dhe lexon mendimet e
nxënësve.
Ndërtimi i njohurive: Gushëkuqi rrethor
Ndahen nxënësit në grupe. Çdo grupi i caktohet një detyrë.
Grupi I. → të shpjegojë figurën e parë duke luajtur me role.
Grupi II. → të shpjegojë figurën e dytë duke luajtur me role.
Grupi III. → të shpjegojë figurën e tretë duke luajtur me role.
Fleta kalon dorë më dorë te çdo anëtar i grupit. Nxënësi, pasi e shkruan mendimin, e palos
fletën në formë fizarmonike dhe ia pason shokut të tij, i cili ia jep kryetarit të grupit. Në
fund, fletët dorëzohen te mësuesi/ja, e cila lexon përgjigjet e çdo grupi.
Më pas, luajnë në role nxënësit sipas grupit dhe nxjerrin dhe përsenë e ngjarjeve të
ndodhura dhe gjetjen e përgjigjeve.
Përforcimi: Mendo/Trego në dyshe
Pas diskutimeve, shihet figura e Pinokut dhe nxënësit analizojnë çfarë i ndodhte Pinokut
herë pas here dhe kur i ndodhte kjo? Diskutimi bëhet në grup.
�Vlerёsimi: Vlerësohen nxënësit për bashkëpunimin në grup, për lojën në role dhe zgjidhjen
e situatave.
Libri i mësuesit Gjuha shqipe 2 “Mediaprint”