Gjuha shqipe 2 - Media Print

152. Tema: Folja jam e kam
Brunilda ÇERRAGA
Linja: Njohuri rreth gjuhës
Nënlinja: Gramatikë-Morfogji
Struktura e orës dhe objektivat sipas niveleve
Struktura Strategji dhe teknika Objektivat
P – Parashikimi Lapsat në mes
N- Ndërtimi i
njohurive
Minileksion
Të shkruajë kalimin nga veta në vetë të foljeve
jam e kam. (në kohën e tashme).
Të plotësojë fjalitë me foljet jam e kam duke i
përshtatur ato me fjalën kryesore në fjali.
P – Përforcimi Punë individuale Të formojë fjali me foljet jam e kam.
Mjete: Libri i nxёnёsit, fisha me zgjedhimin e foljeve jam e kam në kohën e tashme.
(Përsëri mësuesi/ja duhet të ketë parasysh se në këtë klasë nuk është përdorur termi
gjuhësor zgjedhim, por nxënësve u përmendet gjithmonë kalimi nga veta në vetë.)
Zhvillimi i mёsimit:
Parashikimi: Lapsat në mes
Mësuesi/ja u kërkon nxënësve që sipas teknikës “lapsat në mes” të shkruajnë në fletë foljen
jam ose kam në një vetë. Secili nxënës shkruan dhe vë lapsin në mes. Ai që nuk e di, thotë
fjalën”pas” dhe lë lapsin në mes. Ngjiten fletët në tabelë.
Ndërtimi i njohurive: Praktikë e drejtuar
Mësuesi/ja pas ngjitjes së fletëve në tabelë i rendit si më poshtë:
Koha e tashme
Unë jam Unë kam
Ti je Ti ke
Ai është Ai ka
Ne jemi Ne kemi
Ju jeni Ju keni
Ata janë Ata kanë
Ato janë Ato kanë
Lexohet me zë (zgjedhimi) nga disa nxënës.
Pas kësaj veprimtarie u kërkohet të vëzhgojnë nxënësit se si ndryshojnë këto folje nga njëri
përemër në tjetrin, nga numri shumës në numrin njëjës.
Plotësohet bashkë me mësuesin/en ushtrimi 1. Diskutohet ai.
Përforcimi: Punë individuale
Punon secili nxënës në fletore ushtrimin 2.
Do të shkruhen si duhet foljet në kllapa duke e përshtatur foljen me emrin apo përemrin që kanë
përpara. (mësuesi/ja mund të përdorë termin fjalë kryesore) Lexojnë nxënësit ushtrimin.
�Vlerёsimi: Vlerësohen nxënësit për bashkëveprimin, për përshtatjen e foljes me fjalën kryesore.
�Detyrё: Ushtrimi 3
Libri i mësuesit Gjuha shqipe 2 “Mediaprint” 195