Gjuha shqipe 2 - Media Print

Brunilda ÇERRAGA
PO/A do ishte mirë të mos kishte rregulla?/JO
PSE?
Në bazë të përgjigjeve po apo jo, nxënësit do të vazhdojnë debatin ndërmjet tyre, duke
argumentuar përgjigjet.
�Vlerёsimi: Vlerёsohen nxёnёsit pёr mёnyrёn e tё shprehurit dhe për mёnyrёn e
vlerësimit të rregullave tё klasёs.
32. Tema: Të shkruajmë rregulla
Linja: Gjuhё e shkruar
Nënlinja:Të shkruarit
Struktura e orës dhe objektivat sipas niveleve
Struktura Strategji dhe teknika Objektivat
P – Parashikimi Tryeza e rrumbullakët Të tregojë rregulla të ndryshme.
N- Ndërtimi i
njohurive
Krijim
Të krijojë rregulla me ndihmën e fjalëve
të dhëna.
P – Përforcimi Turi i galerive Të vlerësojë rregullat e shkruajtura.
Mjete: Libri i nxënësit, fletore, stilolaps.
Zhvillimi i mёsimit:
Parashikim: Tryeza e rrumbullakët
Nxënësit vendosen në formë rrethi dhe, duke nisur nga i pari, shkruajnë në një fletë një
rregull sipas dëshirës. Pasi e shkruajnë, e palosin fletën si fizarmonikë. Në fund, mësuesi/ja
hap fletën dhe lexon rregullat e nxënësve.
Ndërtimi i njohurive: Krijim
Mësuesi/ja ndan tabelën në katër kolona dhe shkruan në secilën prej tyre
HIGJENA NË RRUGË NË SHTËPI NË FAMILJE
Shkruhen në secilën prej tyre rregullat e shkruajtura nga nxënësit në fletën fizarmonikë dhe
shtohen, nё qoftё se nuk ka të tilla në ndonjёrёn prej kolonave.
Përforcimi: Turi i galerive
Sipas llojit të rregullit që kanë shkruajtur, nxënësit ndahen në grupe dhe shkruajnë një
rregull, e shoqërojnë me vizatim dhe me ndonjë ngjarje ku është thyer ky rregull.
Prezantohen punët e grupeve dhe mësuesi/ja së bashku më nxënësit bën vlerësimin për
punën në grup.
�Vlerёsimi: Vlerёsohen nxёnёsit pёr bashkёpunimin me njёri-tjetrin dhe për krijimin
e rregullave.
�Detyrё: Të shkruajnë rregulla që duhet të zbatojnë në mjedise publike.
66
Libri i mësuesit Gjuha shqipe 2 “Mediaprint”