Gjuha shqipe 2 - Media Print

Brunilda ÇERRAGA
58. Tema: Përdorimi i pikëçuditëses
Linja: Njohuri rreth gjuhës
Nënlinja: Drejtshkrim
Struktura e orës dhe objektivat sipas niveleve
Struktura Strategji dhe teknika Objektivat
P – Parashikimi Tryeza e rrumbullakët Të shkruajё një fjali që mbaron me pikëçuditje.
N- Ndërtimi i
njohurive
Minileksion
P – Përforcimi Punë në grupe Të krijojë fjali
Të dallojë rastet kur vihet pikëçuditja në fund
të fjalisë.
Mjete: Libri i nxënësit, fisha të ndryshme, fletë A/3, lapsa me ngjyra.
Zhvillimi i mёsimit:
Parashikimi: Tryeza e rrumbullakët
Nxënësit vendosen në formë rrethi dhe, duke nisur nga i pari, shkruajnë në një fletë një fjali
që të mbarojë ose me pikë, ose me pikëpyetje, ose me pikëçuditje. Pasi e shkruajnë, e
palosin fletën si fizarmonikë. Në fund, mësuesi/ja hap fletën dhe lexon fjalitë e nxënësve
duke shkëputur fjalitë që mbarojnë me pikëçuditje.
Vlerësohen fjalitë që janë shkruar saktë.
Ndërtimi i njohurive: Minileksion.
Mësuesi/ja ka përgatitur më parë në fisha rastet kur përdoret pikëçuditja.
Theksohen edhe njëherë rastet kur përdoret pikëçuditja.
Në fund të çdo përshëndetjeje dhe urimi, në fund të çdo fjalie që shpreh habi
përdoret pikëçuditja.
Përforcimi: Punë në grupe
Të ndarë në grupe të vogla nxënësit do të punojnë në fleta A/3 në të cilat do të shkruajnë
raste të përdorimit të pikëçuditjes.
Pas përfundimit ato ngjiten në muret e klasës.
�Vlerёsimi: Vlerësohen nxënësit për bashkëpunimin dhe për rastet e përdorimit të
pikëçuditjes.
�Detyrё: Ushtrimi i librit ose ndonjë ushtrim që mësuesi/ja e shkëput nga fletore e punës.
Shёnim: Në orën e dytë të kësaj teme mësimore mund të përdoren ushtrimet e fletores së
punës, të zhvillohet një diktim ose minitest.
Ushtrimi 1
Në fjalitë e mëposhtme vendos shenjën e duhur të pikësimit:
- Mirëmëngjes
- Do ikësh në shkollë sot
- Tani do të nisem
Libri i mësuesit Gjuha shqipe 2 “Mediaprint” 95