Gjuha shqipe 2 - Media Print

8. Tema: Regjimi ditor
Brunilda ÇERRAGA
Linja: Gjuhë e shkruar
Nënlinja: Të shkruarit
Struktura e orës dhe objektivat sipas niveleve
Struktura Strategji dhe teknika Objektivat
P – Parashikimi Tryezë e rrumbullakët Të dallojë se çfarë është regjimi ditor.
N- Ndërtimi i
njohurive
Lexo/Trego/Diskuto
Të listojë sipas radhës veprimet që bën Agimi.
Tё lexojё duke mbajtur qëndrim kritik ndaj
personazhit.
P – Përforcimi Shkrim i lirë Të shkruajë regjimin ditor (vetjak).
Mjete: Libri i nxënësit, fletë me ngjyra.
Zhvillimi i mёsimit:
Parashikimi: Tryezё e rrumbullakët
Shkruhet tema e mёsimit nё tabelё. Mёsuesi/ja shkruan nё tabelё pyetjen:
Çfarё ёshtё regjimi ditor?
Nxënësit vendosen në formë rrethi dhe, duke nisur nga i pari, shkruajnë në fletë një
pёrgjigje pёr pyetjen nё tabelё. Pasi e shkruajnë, e palosin fletën si fizarmonikë. Në fund,
mësuesi/ja hap fletën dhe lexon fjalitë/pёrgjigjet e nxënësve. Vlerësohen fjalitë që kanë
shkruar saktё kuptimin e regjimit ditor.
Ndërtimi i njohurive:Lexo/Trego/Diskuto
U theksohet edhe njёherё nxёnёsve nga mёsuesi/ja se çfarë është regjimi ditor. Pyeten, nëse
veprojnë ata me orar në shtëpi për të kryer detyrat.
Nxënësit tregojnë se si veprojnë në shtëpi.
Lexohet regjimi ditor i dhënë dhe diskutohen veprimet e djalit në figurë, duke mbajtur secili
qëndrimin e tij ndaj këtij regjimi.
Orientohen nxёnёsit për veprimet që bën Agimi. Nxënësit shkruajnë duke u ndihmuar nga
figurat.
Agimi zgjohet në orën 7.
Në fillim lan fytyrën e më pas lan dhëmbët.
Pasi ha mëngjes niset për në shkollë.
Përforcimi: Shkrim i lirë
Nxënësit punojnë të pavarur duke shkruajtur regjimin ditor në fletë të ndryshme me ngjyra.
Lexohen shkrimet nga nxënësit.
�Vlerësimi: Vlerësohen regjimet ditore, duke evidentuar ata nxënës që e kanё pasqyruar
më mirë.
Libri i mësuesit Gjuha shqipe 2 “Mediaprint” 37