Gjuha shqipe 2 - Media Print

164
Brunilda ÇERRAGA
Çfarë e mundonte Kopsën?
Ndalesa 4 “Kur Fatmiri … trëndafili heshti.”
Çfarë bëri Fatmiri me shokët në pushimin e madh? Si e pyeti Kopsa bukën?
Po buka si e pyeti atë?
Ndalesa 5 “Kopsa e vogël … e ndiej veten.”
Çfarë mendoi Fatmiri? Ç’mësim nxirrni nga kjo pjesë? A ju pëlqeu fundi i tregimit?
Bëhet në formë zinxhiri leximi i pjesës “Kopsa e kujdesshme”.
Në këtë fazë nxënësit do të krijojnë një hartë personazhesh. Ata do të vazhdojnë të punojnë
në të njëjtat dyshe që punuan edhe në fazën me parë.
Përforcimi: Vija e vlerës
Mësuesi/ja i bën një pyetje të gjithë klasës.
A është e drejtë ta zëvendësosh gjuhën e nënës?
Mësuesi/ja mund të zgjedhë një pyetje në varësi të asaj që është thënë, mbrojtur a
kundërshtuar gjatë orës së mësimit.
Secili nxënës mendon për pyetjen dhe mund të shkruajë përgjigjen e vet.
Mësuesi/ja dhe një nxënës vendosen në dy kënde të dhomës. Secili prej tyre bën një pohim
të skajshëm për çështjen, pra, pohimet e tyre janë të papajtueshme.
Nxënësit zënë vend përgjatë në vijë imagjinare midis dy pohimeve të papajtueshme dhe
qëndrimeve të skajshme për çështjen. Edhe vetë nxënësit e një drejtimi duhet të diskutojnë
brenda grupit dhe, në qoftë se nuk përputhen idetë e tyre, ata mund të lëvizin në drejtim të
kundërt. Mësuesi/ja i kërkon një nxënësi nga çdo grup të paraqesë mendimin e atij grupi.
Mësuesi harton një pyetje binare. Ai u kërkon nxënësve që të argumentojnë pse janë pro dhe
kundër.
Duhet të tregohemi çdo moment të kujdesshëm me veshjet tona
Mendimet do të shkëmbehen në dyshe dhe në grupe. Klasa do të pozicionohet në dy grupe.
Po ⏐ Jo
�Vlerёsimi: Vlerësohen nxënësit për leximin e pjesës, për përgjigjet e pyetjeve dhe për
mbrojtjen e pohimeve të tyre.
�Detyrё: Të shkruajë disa fjali për kujdesin ndaj veshjeve.
Libri i mësuesit Gjuha shqipe 2 “Mediaprint”