The Highland monthly - National Library of Scotland

Fear a' Ghlinne. 539
rud a ghabhas e 'na cheann, cha chuir an saoghal as e.
Agus o 'n a dh' iarr mise air tighinn, thig e gun teagamh,
ma ghabhas e 'na cheann tighinn," arsa Galium.
Mu 'n gann a leig Galium am facal as a bhcul, co a
nochd a steach an dorus ach Domhull Sgoileir.
" Failte 's furain ort, a Dhomhuill, 's tu a thug leat an
droch shide as a Bhaile Uachdrach," arsa Galium.
" Is e mo mhor bharail, a Challum, gu robh an droch
shide agaibh 's a' Ghleann mu 'n d' thainig mise an rathad
idir. Ach cha mhor is fhiach fear sam bith ris an canar
fear, ma chumas leithid na h-oidhche nochd a staigh e.
Bha mi latha dhe mo laithean nach cumadh uisge no
gaoth, sneachda no fuachd a staigh mi," arsa Domhull
Sgoileir.
" 'S luaithe deoch na sgeul. A nail dhuinn deur as a'
bhotul, a Mhairi ; tha Domhull fuar, fliuch, agus tha mi
fhein gu seasgair, blath. An rud a chumas a muigh am
fuachd cumaidh e muigh an teas," arsa Galium.
Thug Mairi lamh air a' bhotul, agus chuir i air am
beulaobh air a' bhord e. An uair a bhlais iad beagan de
na bh' anns a' bhotul, thoisich iad ri comhranh mu chaoch-
ladh nithean a bha tachairt anns an duthaich.
Anns an am ud cha robh fear as a' cheud a' faotainn
paipear-naigheachd eadar da cheann na bliadhna. 'S e sia
paipearan-naigheachd a bha 'tighinn gu riaghailteach do 'n
sgireachd. Bha Mr Seumas, am ministear a' faotainn fir,
agus o 'n a bha maighstir-sgoile na sgireachd, no Domhull
Sgoileir, mar a theirteadh gu cumanta ris, 'ga mheas fhein
faisge air a bhith cho ionnsaichte ris a' mhinistear, dh'
fheumadh e fios a bhith aige air cia mar a bha gnothaichean
a' dol air an aghaidh air feadh an t-saoghail. Cha
robh Galium Ruadh, ged nach robh ann ach fear taigh-
osda 'ga mheas fhein dad air dheireadh air a' mhaighstir-
sgoile, agus mar sin, bha e 'faotainn paipear-naigheachd
dha fhein. An uair a thigeadh am post uair 's an
t-seachduin, gheibheadh na fir so naigheachdan a chumadh
riutha gus an tigeadh an ath phost. Bha na tri paipeirean-