The Highland monthly - National Library of Scotland

648 The Highland Monthly.
do na Lochlannaich a dh' aon latha, ar neo tha cumhachd
aca thairis air gaoith 's air fairge ni 's mo na th' agamsa.
Ach ma chaidh Bearnag nighean Righ Lochlainn ri mathair
fhein bheir i dulann do neach sam bith le druidheachd.
Bha mathair arms an sgoil duibh comhladh riumsa, agus
ma bha, cha bu chli i."
" Chuala mi gu 'n d' fhuair a mathair bas mu 'n d'
thainig ise gu aois," arsa bean Ridire nan Ard."
" Ma fhuair," arsa Laidhream, '* cha robh a' bhan-altrum
ris an d' earbadh Bearnag a bheag air dheireadh air te sam
bith a bha beo ri' latha 's ri' linn. Faodar a bhith cinnteach
gur nighean mar a' mhathair Bearnag ; ach ma gheibh mise
leam a' cheud chleas mu 'n teid ise 'na faireachadh, theid
gach cuis leam gu m' mhiann."
Ghrad rug Laidhream air a' bhrod-ghriasaich agus stob
i anns an teine e. B' e so a' cheud chleas. Cha 'n fhaodadh
i fuarachadh a leigeadh leis a' bhrod-ghriasaich gus am
biodh a h-uile cuis seachad. Thuirt i ri bean Ridire nan
Ard, " Bi falbh dhachaidh cho luath 's is urrainn thu, agus
cuir fios ugamsa c'uin a tha duil aig Righ Lochlainn seoladh
do'n Bheirbhe. Cha tog mise a' ghaoth gus am bi iad
seoladh latha agus oidhche air falbh, air eagal gu 'n dean
an stoirm call air cabhlach Righ nan Eileanan. Cha 'n
fhaod mise falbh o mo bhruthaig air eagal gu 'n teid an
teine bas air a' chagailte. Cha deachaidh e bas o chionn
corr is ceud bliadhna. An latha 'theid e bas caillidh mise
da thrian dhe m' chumhachd."
Dh' fhalbh bean Ridire nan Ard dhachaidh 's i gle
riaraichte le a h-obair latha. An ceann latha no dha 'na
dheigh sin thainig soirbheas fabharrach o'n deas 's o'n iar-
dheas, agus rinn Righ Lochlainn deas air son a bhith
'falbh. Gu moch 'sa' mhaduinn an la-iar-na-mhaireach
thogadh na siuil bhana, bhaidealach ri crannaibh, agus thug
Righ Lochlainn le a thri fichead long an cuan mor fo
'cheann.
Cha bu luaithe a thog na Lochlannaich air falbh o'n
chladach na chuir bean Ridire nan Ard i fhein an ordugh