The Highland monthly - National Library of Scotland

Fear a Ghlinne. 647
anns an aite so aig am fheil comas air gach long a theid air
saile a chur 'sa' ghrunnd. Bha i uine fhada anns an sgoil
duibh, agus theid aicc air a' ghaoth a thogail, agus air an
fhairge a chur gu beuchdaich air a' leithid a dhoigh 's nach
urrainn long seasamh ris a' bheag sam bith a dh' uine. Ma
theid sibh far am bheil i cha'n 'eil teagamh nach dean i gach
ni a dh' iarras sibh oirre a dheanamh. Is e, Laidhream
Odhar Nic an Laoich, is ainm dhith. Tha i 'fuireach leatha
fhein ann am bruthaig gu h-ard anns a' mhonadh faisge air
Bealach a' Bhochdain. Mur cuir sibh saod math oirre, is
docha nach dean i ni sam bith de na dh' iarras sibh oirre.
Rachaibh far am bheil i gun dail, agus faighibh a mach
ciod na beachdan a th' aice. Mur tuig sibh a doighean,
thighibh gun dail far am bheil mise, agus faodaidh e bhith
gun teid agamsa air seoladh a thoirt dhuibh air an doigh
anns an fhearr a gheibhear saod math a chur oirre."
Dh' fhalbh bean Ridire nan Ard far an robh Laidhream,
ach ma dh' fhalbh, cha b' e sin an t-astar beag. Bha aice
ri dhol thar aimhnichean is bhogaichean mun do rainig i
Bealach a' Bhochdain. Chuir i failte is furain gu cridheil,
caoimhneil air Laidhream, agus chuir Laidhream failte is
furain a cheart cho cridheil oirrese. Gu fortanach bha
Laidhream an latha ud ann an saod anabarrach math, agus
an uair a dh' innis bean Ridire nan Ard dhith an turus air
an d' thainig i, dh' eisd i rithe le mor aire.
" Ma thogras sibh," arsa Laidhream, " cuiridh mise do 'n
ghrunnd, no air na creagan, a h-uile long a th' aig Righ
Lochlainn."
" Ma ni thu sin," arsa bean Ridire nan Ard, " tha d' aran
fuinte. Bidh seomar grinn, glan, agad anns a' chaisteal
agamsa fhad 's is beo thu. Tha mi cinnteach gu 'n toir
nighean Righ na h-Eirionn dhut a h-uile ni a mhiann-
aicheas tu."
" Cha 'n 'eil mi ag iarraidh ni sam bith oirbh fhein no
air nighean Righ na h-Eirionn. Cha 'n fhagainn mo
bhruthag bhochd fhein air son a' chaisteil a 's fhearr ann an
ceithir Ranna Ruadha an t-saoghail. Ach cuiridh mi as