The Highland monthly - National Library of Scotland

650 The Hio/iiand Monthly
a' chuach fodha, chaidh a h-uile long-chogaidh a bhuineadh
do Righ Lochlainn an dara cuid do 'n ghrunnd, ar neo
a bhristeadh air a' chladach.
Ghabh Bearnag amhrus gu 'm b' ann le druidheachd a
sheid a' ghaoth, agus a ghluais an fhairge, agus rinn i gach
ni 'na comas a chum i fhein agus a h-athair a shabhaladh-
Le buille dhe 'n t-slacan-druidheachd rinn i sgonnan fiodha
dhe h-athair agus dhe 'dithis mhnathan coimhideachd.
Rinn i fhein greim air fear dhe na sguinn, agus mar sin
fhuair iad nan ceathrar gu tir sabhailte gu leor.
Dh' aithnich Laidhream air dhoigh eiginn gu robh
Bearnag beo, agus a dh' olc no dh' eiginn 'gan d' fhuair i)
rainig i Rudha na Airde far an robh Bearnag a' fuireach
gus am faigheadh i doigh air teicheadh le Righ nan
Eileanan. Chuir Laidhream i fhein ann an eideadh diol-
deirce, agus an uair a fhuair i fath air Bearnaig 's air a
mnathan-coimhideachd aig gob an rudha so, rinn i carragh
cloiche dhe gach te' dhuibh, sin agaibh, ma ta, mar a
thainig na tri chlachan so gu bhith far am bheil iad, a reir
mar a chuala mise o m' oige."
Chord an seann sgeula so anabarrach math ri Mac 'ic
Alasdair. O 'n a bha am feasgar air teannadh ri ciaradh
smaoinich na fir gu 'n tilleadh iad dhachaidh do 'n Taigh
Bhan gun dol ni b' fhaide.
RI LEAXTUI>>