The Highland monthly - National Library of Scotland

Fea7' a Ghlinne. 711
chluinneas mi e 'cur a h-uile facal Beurla a's aithne dha,
air feadh na Gailig. Na daoine a's foghluimte agus a 's
turaile a th' anns an duthaich, mar a tha Mr Seumas agus
Domhull Sgoileir, bruidhnidh iad rium mu gach ni a
thachras anns an duthaich, agus is gann a their iad aon
fhacal Beurla ged a bhithinn 'nan comhradh o mhoch gu
dubh. Cha bu tu mi fhein. Chaith mi dluth air fichead
bliadhna dhe mo bheatha ann am measg dhaoine aig nach
robh facal Gailig, agus cha do leig mi riamh fhathast as mo
chuimhne a' Ghailig a dh ionnsuich mi an uair a bha mi
og. Cha bhi aig Gall ri' innseadh do Ghaidheal gu 'm
bithinn cho beag meas air mo chainnt fhein 's gu 'n
dcanainn a leithid. 'Am fear air am bheil sinn a' bruidhinn,
tha Gailig aige moran ni 's fhearr na tha i agadsa agus 's i
mo bharail nach do chaith e a' bheag dha 'shaoghal anns a'
Ghaidhealtachd."
Cha do chuir fear seach fear dhe na bha 'san t-seomar
an aghaidh diog dhe thuirt Galium Seoladair. Bha fhios
aca gu robh Alasdair Taillear 'na bhauscaire gun tur, agus
gle' mhor a's fhein. Agus ged a bha Galium Seoladair cas,
crosda an uair a chitheadh 's a chluinneadh e rud nach
cordadh ris, bha e 'na dhuine cho caoimhneil 's cho turail
's cho tuigseach 's a gheibhteadh dhe 'sheorsa ann an
duthaich gu leir. Cha chualas riamh e ag radh facal
cainidh air chul cinn duine sam bith. Neo-ar-thaing nach
moladh e daoine air chul an cinn, nam biodh iad 'na
bheachd-san airidh air am moladh ; ach nam biodh ni sam
bith aige ri radh an aghaidh duine, an aite teannadh ri ruith
sios air chul a chinn 's e theireadh e, " Stadadh esan gus am
faic mise e, agus innsidh mise e fhein dha." Ged nach 'eil
e taitneach do dhuine a bhith 'g innseadh dha suil mu 'n
t-sroin co e fhein, is e moran is taitniche le duine na 'n cul
chaineadh. Ged bu bheag air am Maor, cha b' aill leis aon
fhacal a radh 'na aghaidh mur biodh e ann an larach nam
bonn gu seasamh air a shon fhein.
Cha robh tlachd aig neach sam bith de'n Mhaor. Cha
robh ann ach duine suarach 'na dhoighean. Dheanadh e