The Highland monthly - National Library of Scotland

7o6 1 he Highland ALoiUlih.
na tiom a bh' ann o shean. Bidh fear eilc air fas seachd
sgith de 'n trod 's de 'n chanran a bhios aig a mhnaoi ris a
latha 's a dh' oidhche gun fhios c'ar son, agus air ghaol
faighinn as a beul theid e do 'n Taigh-Osda, agus gabhaidh
e Ian no dha a chum am mi-thoileachadh agus an dragh-
inntinn fhuadach air falbh. Is cinnteach gur e fear dhe
na daoine so a rinn an t-oran anns am bheil na briathran a
leanas :
—
" Ma theid mi 'n taigh-osd',
Bidh mo bhean a' trod riunrx ;
Ma dh' olas mi stop,
Bidh mo bhean a' trod rium ;
Ma bhios e ni's mo,
Bidh mo bhean a' trod rium ;
Air a h-uile doigh
'S cinnteach dhomh bhith trod rium."
Faodar a bhith cinnteach gu 'm bi an gobha uair is
uair a' fliuchadh a sgornain anns an Taigh-Osda. Co nach
cuala iomradh air an t-sradaig a chaidh ann am beul a'
ghobha ? Tha e coltach gu bheil an t-sradag so
anabarrach doirbh ri' bathadh.
Feumaidh am piobaire uair is uair a bhith 'gabhail deur
beag, cha 'n ann a chionn gur toigh leis drama, ach a
chionn gu 'n dean faileadh an uisge-bheatha bhith bhar
na h-analach aige, feum mor do ghothaichean, do ghleus,
agus do mhal na pioba.
So ma ta cuid dhe na leithsgeulan a th' aig daoine air
a bhith 'g ol. Cha leigheas an t-ol idir air na galairean a
tha iad a' gearain. Ach nan gabhadh iad le beagan 'ol cha
bu leith-ghearain. Feumar an da shuil a fhliuchadh, agus
an uair a bhios an da shuil fliuch, feumar rud eiginn eile a
fhliuchadh, Cha bhi guth no iomradh air riaghailt, ar neo
ma bhitheas, 's i an riaghailt a leanas a bhios ann :
Ol a h-aon, cha 'n 'eil e math,
Ol a dha, cha 'n fhiach e,
Ol a tri, 's cha bhi thu cli,
'S e ccithir righ riaghailt.
—