The Highland monthly - National Library of Scotland

Fear a Ghlinne. 543
dhuinn a bhith 'toirt do na daoine a bhiodh a' taghal oirnn
's an t-samhradh. Cha 'n 'eil e idir furasda iasg ur no feoil
ur fhaotainn mu 'n am so de 'n bhliadhna. Cha 'n 'eil
uighean nan cearc fhein pailt mu 'n am so ann an aite sam
bith. Ach neo-ar-thaing nach 'eil am pailteas againn de 'n
t-seorsa a tha cumanta am measg dhaoine cumanta mar a
tha sinn fhcin. Agus theid mise an urras gu 'n deasaich
Mairi biadh cho grinn 's cho glan ri te eile 's an duthaich,
Tha fhios agad fhein, a Dhomhuill, air a so gle mhath."
Anns an fhacal co thigeadh a steach ach Mairi. Ghrad
dh' innis na fir dhith mu 'n chomhradh a bh' eatorra.
" Cha 'n fhabd sinn," arsa Mairi, " duine sam bith leis
am miann tighinn a ghabhail seallaidh air an aite a chumail
am muigh. Ma bhios e fhein toileach cur suas leis an
t-seorsa bidh a tha sinne 'cleachdadh, faodaidh e fuireach
an so fhad 's a thogras e. O 'n a tha Seumas 'na shealgair
cho math, faodaidh e iomadh uair crochadh na poite a
thoirt as na bheil de gheoidh 's de lachainn 's a dh' fhead-
agan eadar so 's ceann shuas a' Ghlinne. Tha eunlaith gu
leor mu 'n bhaile, agus faodar feadhain dhiubh a mharbhadh
an drasta 's a rithist. Cha truagh leam fear sam bith a
gheibh pailteas de 'n bhiadh a tha sinn fhein agus daoine
eile na duthcha a' gabhail."
" Tha sibh ceart gu leor, a bhean-an-taighe," arsa
Domhull Sgoileir. " Cha ruig fear sam bith a leas
teannadh ri talach air a' bhiadh a gheibh e anns an taigh
so. Cha truagh leam cu 's marag mu 'amhaich. Ach
c'uin a tha e 'tighinn ?
"
" Air son na bheil a dh' fhios againne faodaidh gu 'm bi
e an so fo thrath suipearach. Leugh fhein, a Dhomhuill
an litir a thainig a' m' ionnsuidh," arsa Callum Ruadh.
An uair a leugh Domhull Sgoileir an litir thuirt e,
" Cha rachainn mionaid an urras nach biodh e an so a
nochd fhathast. Gun teagamh sam bith tha 'n oidhche gle
fhiadhaich aig duine 's aig ainmhidh air son a bhith 'falbh
air astar. Ach feumaidh am fear-turuis, aig am bheil toil a
cheann-uidhe 'ruidhinn ann an am, cur suas leis an t-side a