lorca

Esta carta, unha vez máis, descríbenos a un Blanco-Amor en sintonía
ideolóxica con Lorca e coa súa actriz Margarita Xirgu. Os seus artigos e os
seus pronunciamentos públicos, cada vez con máis forza, chocaban cos
postulados da dereita. O seu artigo, en defensa do director de El Defensor
de Granada e as súas crónicas africanas alporizan ós sectores da ultradereita.
Como galeguista, tenta fuxir de capeliñas políticas que hipotequen a súa
independencia como periodista. E pon como modelo a nacionalidade catalana.
Na carta aínda hai outros aspectos de interese: detalles sobre o libro
dos Seis poemas galegos, as fotos sacadas en Granada e, sobre todo, a tristura
que o abrangue e que o amigo Federico ha de comprender.
Eduardo pasa por Bilbao, San Sebastián, Pamplona, Burgos e vai permanecer
en Madrid do 8 de outubro ó 2 de novembro. Precisamente, o día
8 García Lorca fai unha escapada, desde Barcelona, para falar sobre o seu
teatro pola radio para América.
Federico regresa finalmente a Madrid o día 23 de octubro, en momentos
de axitación política. Xa son días de despedida para Blanco-Amor. Nestes
datas debeu de ocorrer a homenaxe que lle fan a Eduardo en Madrid, ofrecida,
segundo o noso escritor, por Federico 103 .
Volve a Galicia. Do 3 ó 5 pasa a dar as súas derradeiras apertas ós amigos
de Ourense, Lugo e Pontevedra. E o día 6 o seu barco sae para Buenos
Aires, onde arriba o día 20 de novembro de 1935. 104
No barco vai pensando no momento político difícil de España. Non se
imaxina a traxedia da guerra civil nin o asasinato do seu amigo: confía no
triunfo de Azaña e en volver pronto. Federico continúa triunfando e os Seis
poemas galegos van saír axiña na Editorial Nós.
A chegada a Buenos Aires, no plano íntimo, vaino deixar desolado.
Traemos aquí esta terceira carta de Eduardo a Federico 105 para reafirmar,
por se quedara algunha dúbida, a súa amizade sincera co poeta granadino.
103
Vid. Rey (16-7-54).
104
Desde o peirao de Vigo, Blanco-Amor envíalle unha postal a Federico, á rúa de Alcalá
102-4º de Madrid, co seguinte texto:
«Ahora mismo, dentro de diez minutos, me embarco. Abrazos. Eduardo.
PD. Uno de estos días, te mandan tu libro.»
Blanco-Amor embarca para Buenos Aires o 6 de novembro de 1935. Ánxel Casal remitiralle
a García Lorca os exemplares do seu libro en Nadal, no mes seguinte.
(Vid. Exposición Gráfico-Bibliográfica “García Lorca y Galicia”, dirixida por Guillermo
Escrigas, do Grupo Sargadelos, Ediciós do Castro, Sada, A Coruña, 1995).
105
Fundación Federico García Lorca, Madrid.
109