You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ocha, que é tamén a barca que a transportou ata o santuario. E os catro<br />
bois que a levaban, que pertencen sen dúbida a outra das nosas romarías<br />
populares: Nosa Señora da Franqueira, cantada por Cabanillas. Neste punto,<br />
como noutras referencias temáticas de fondo, veñen a confirmar a nosa<br />
sospeita de que as influencias esténdense a outros contertulios do café Regina,<br />
onde Federico acudía con Pérez Güerra e Serafín Ferro. Posiblemente, Ramón<br />
Cabanillas contoulle a Federico, entre outras moitas lendas, a romaría<br />
da Nosa Señora da Barca e a da Nosa Señora da Franqueira, e García Lorca<br />
fai esa mestura poética tan súa, pero tan fermosa sempre 180 . O certo é que,<br />
efectivamente, a Virxe da Nosa Señora da Franqueira é unha imaxe moi<br />
antiga, pequena e de pedra. Despois da misa maior, a Virxe, cun manto<br />
azul, sae nun carro, tirado por xuntas de bois, tamén cubertas de panos sedáns<br />
brancos, sen que falte o aguillón con punta de ouro 181 .<br />
«Cantiga do neno da tenda» transpórtanos ós galegos da emigración.<br />
De novo, Lorca pon en danza metafórica os elementos reais: o Río da Prata,<br />
as rúas infindas, a concreta rúa Esmeralda, pola que paseou o poeta, as<br />
ribeiras da pampa... E, como música de fondo, a muiñeira d’goa, a muiñeira<br />
bailada polo emigrante, mentres discorren polas súas meixelas as bágoas<br />
da saudade. Sismundi é tamén un topónimo concreto, da comarca de<br />
Ortigueira, que, segundo me referiu Guerra da Cal, el mesmo lle<br />
proporcionou. Bermello muro de lama é metáfora lorquiana, pero pode<br />
observarse efectivamente esta cor «melena de león» cando as augas<br />
mesturadas do Río da Prata e o océano se confunden 182 .<br />
«Noiturnio do adoescente morto», de intenso paralelismo e con ecos<br />
das Coplas manriqueñas, cos seus signos reais: o río Sil, que leva no seu<br />
colo ó adoescente afogado, aínda quente, cara ó mar (a morte definitiva).<br />
180<br />
Na miña conversa con Guerra da Cal, sen facer, pola súa parte, referencia á romaría da<br />
Nosa Señora da Franqueira, contoume que fora el quen lle falou desta pequena Virxe de pedra<br />
e dos catro bois. Durante a entrevista constatei que case sempre se apropiaba do discurso dos<br />
Seis poemas galegos e que podía estar indo máis alá do que puido influír a cultura e coñecemento<br />
poético que podía ter un mozo como Ernesto, de 22 anos, e criado culturalmente en Madrid.<br />
Posiblemente estaba a confundir, ós seus oitenta e un anos, as voces cos ecos (son palabras de<br />
Landeira Yrago). ¿Por que Lorca non puido escoitar esta historia da boca doutros amigos galegos,<br />
léase Serafín Ferro, Eduardo Blanco-Amor (quen se atribúe tamén o protagonismo, que comparte<br />
con Carlos Martínez-Barbeito) e outros? Todos eles puideron, pola súa vez, escoitala de Ramón<br />
Cabanillas, quen, por certo, a contou poeticamente de xeito fermoso.<br />
181<br />
Vid. Sueiro, Jorge-Víctor, 1983, pp. 140-9, 195-201.<br />
182<br />
Outra volta, Lorca poetiza sobre a realidade concreta. Nós mesmos puidemos comprobar<br />
como en Arxentina e Uruguai está viva popularmente a comparación destas augas coa cor da<br />
«melena» de león.<br />
159