lorca

IX. MÚSICA PARA OS SEIS POEMAS GALEGOS
9.1. Isidro B. Maiztegui Pereiro e a música galega
Agosto de 1994, Mar del Plata, a cidade do Torreón do Monxe, historiada
con tanto agarimo polo cronista da cidade Félix Ayesa.
Acompañado polo presidente do Centro Galego, Juan Vázquez, de fonda
emoción galega, coñecín ó mestre Isidro Maiztegui, nun de tantos encontros
significativos que tiven a sorte de vivir no mundo da emigración. Axiña nos
puxemos a falar de R. Cabanillas, Otero Pedrayo, Castelao, Blanco-Amor,
amigo de todos eles.
Desde o piso nº. 24, verdadeiro torreón de Mar del Plata, divisábase a
cidade, fronte ó mar. Aquel mar polo que chegaron seus pais: galega súa
nai, vasco seu pai.
Naqueles días estábase a celebrar unha destas homenaxes interminables
que América dedica periodicamente a Federico 280 . De pronto, na calor
do acontecemento literario, suxerinlle a don Isidro que escribira a música
para os Seis poemas galegos de García Lorca.
Sen tempo a poder arrepentirme da miña ousadía, o mestre respondeu
cun si claro, entusiasta e xuvenil. E, poucos días despois, chamábame ó hotel,
280
Homenaxe, con ciclo de conferencias, baile, poesía, teatro, música no Centro Cultural
Pueyrredón. E unha exposición dos seus debuxos no Centro Cultural Villa Victoria, casa que fora
da amiga de Federico, Victoria Ocampo.
357