Stran: L - Z

Lo welato bi eşareto...
Va çi eşereto..
Şêx Seîd, bavê kal bi dengekî bilind
Li komên pêşmergan gazî kir
Got:
Dê rabin bavê mino dê rabin
Emê bikin û bilezînin
Lat û zinarên çiyayên Kurdistanê
Ji me re xweş war û mekan bin
De em xwe bavêjin ber kevir û zinaran..
Di bextê we de me, nîşana xwe baş bigirin
Çavên çepê da mirînin, çavê rastê bi ber xwe xînin
Pê re navan li xwe bidin
Bila deng bi ber çiyan bikeve
Çiya deng bidin çiyan û bêjin;
Em leşkerên kurdane, em komên pêşmergane
Canê me ji me re erzane, namûsa bi me biha ye
Em ji mirine natirsin
Ma suç û qebehata me çiye?
Çi heqê dewleta Jon Tirkan li me heye?
Ez di bextê we de me li nefera nexînin
Ew ji wekî me emîr barê Tirkan e
Çavên dayik û bavên wan li rê ya wan e
Fermandarên Jon- Tirkan bêdîn û bê îman in
Nîşana xwe bigirin di navê re
Li teresên yûzbaşî û zabitan xînin
Li têxtikê nînê enîyê xînin
Şepqên serê wan bipêkînin
Di bin lingên milletê Kurda dînin..
Ho Kurda di bextê te de me ji bîrnekin
Ji berê û paşê ve dewleta Osmaniya ne yarê me ye
Dijminên bav û kalên me ne
Ho xwedêyo... tu qebûl neke..
Keç û bûkên me kurdan
Dîsa ketin destê leşkerên Tirkan...
Barê namûsê barekî giran e
Ji ber û paşê de milletê Kurd pê dinale.. lo welato
Bila dîroka bêbext bi hêrsa xwe binivisîne
Sêsed keç û bûkên kurdan, qal û şewra xwe danîne
Li hev gazî kirin gotin:
De rabin em jinên Kurdane,
em ê bikinî û bilezînin
144