Stran: L - Z

Walî radibe Eliyê Qolaxasî dişîne jê re dibêje: “Tuyê herî Meyremê ji min re
binî.”
Gava ku Elî tê cem Meryemê û Meryemê çav bi Elî dikeve ji ber ku Elî xortekî
pir qeşeng û bedew e, aşiqê bejn û bala wî dibe. Her çi qas Elî bedew be jî, ji ber
feqiriya dinyayê cil û libasên wî ne ewqas baş bûn. Meryem dibêje;
“Elî tu hatî min ji walî re bibî?”
Elî dibêje “belê xatûna min !”
Meryemê dibêje: “Elî ez bi vî şiklê hanê bi te re nayêm. Ez Qîza keşê me û min
ji waliyê Wanê re dibî. Ez bi vê girêdana te bi te re nayêm. Heger pere li li ser te
tunebin, ha ji te re pere; here cem berber tiraş bibe, here hemamê serê xwe bişo,
destek cilê efendiyî kumsoran li xwe bike û were ku ez bi te re werim....”
QAM Û QİDÛMÊN ELÎ DİŞKÊN....
Eliyê Qolaxasî bi ya Meryemê dike; diçe tiraş dibe, destek cilên efendiyan li
xwe dike, diçe hemamê serê xwe dişo û dadigere cem Meryemê. Bi vî halê xwe,
Elî çiqas qeşeng û û delal dibe, qeşengtir dibe. Her wiha dema ku Meryemê çav
li Elî dikeve. eşqa wêdifire ser Elî hîng jî zêdetir dibe. Meryemê berê xwe dide
Elî û jê dipirse; “Elî ka xwe bide ber eynê tu xweşik î, yan ez xweşik im?”Elî
bersiva Meryemê dide; “estaxfirullah xatûna min, tu ji min û ji bavê min zêde
yî!”
Meryem dibêje; Elî henek û laqirdiyan neke, ya rast çi be wê bibêje. Wele tu
xortekî qeşeng î, ez jî qîzeka bedew im. Em her du laîqa hev in. Were min ji xwe
re bibe. Haşa hizûr, ker di diya wî waliyî ne. Çi dike bila bike” Piştî van gotinan,
qam û qidûdimên Elî dişkên, ziman lê dieliqe, nizane çi bibêje, ji tirsa walî.
Ji Meryemê re dibêje: “Xatûna min, çi heqe te li min heye? ez hê ciwan im, bi
miradê xwe şa nebûme. Tu li birrîna serê min digerî? Tu jî dizanî walî zilamekî
wisa ye, ez hêlîna xwe bibime ezmanê heftan, wê waliyê min bîne xwarê û min
bikuje!”
XWE DİAVÊJİN TOR Û BEXTÊ METRAN ÎSA....
Meryem berê xwe dide Elî bi awakî aciz bûyî jê re van gotina dibêje:
“Binêre Elî, eger tu min ji xwe re nebî, bi nav û îsmê Xwedê seeta ku ez
bigihîjim cem walî, eza bibêjim, wele dema hatinê, Elî di rê de dest avêtiye
namûsa min!” Elî piştî van gotinên Meryemê kete nav Xelîl û Celîlê! dizane ku
Meryem ji xwe re bibe jî wê serê wî bê jêkirin, ji walî re bibe jî. Dema ku
Meryem ji wali re wisa bibeje, wê serê wî were jêkirin. Elî ji Meryemê re dibêje:
“Xatûn min, de ka ji min re bibêje, ezê te bi kû ve bibim? Kese ku me bistirîne jî
tuneye” Meryemê jê re dibêje: “Elî tu yê min bibî bavêjî Dêra Axtermanê cem
Metran Îsa li ber barê me rabe” Elî qabul dike tevî Meryemê berê xwe didin
Dêra Axtermanê cem Metran Îsa. Kilam wiha dest pê dike:
379