Stran: L - Z

Nûdem: Îro em dibînin ku hin keç û xortên kurdan hewl didin ku mûzîkeke
modern çêbikin; ensturmanên kurdî û Avrupî, an jî cîhanî tevlihev dikin
mûzîkeke derdixin. Ev mûzîk jî ji aliyê gelek xortan ve tê girtin û hezkirin.
Gelo tu hewldanên te çêkirina mûzîka nû heye? An jî tu bê li ser riya xwe
ya berê yî?
Gulîstan: Tu bêjî û nebêjî piştî ewqas sal mirov hewcedariya hin guhertinên din
dibe. Ji xwe jiyana me ya li Avrupa jî me dajo ser vê yekê. Roja tuneye ku em
mûzîka ku îro kurd çêdikin re nabêjim mûzîka modern, lê belê, ez dikarim
bibêjim ku ev tecrube ne. Di pêşerojê de dikare tiştên baş derkeve holê. Ez bi
xwe jî dixwazim hin biharatên dinyayê tevlî xwarina xwe bikim. Yanî zewqa ku
ez ji mûzîka kurdî digirim, ez ji pop, jaz û bluz jî digirim. Mûzîk zimanekî
navnetewî ye. Ji aliyê din ve ez bawer im ku mirov mûzîkê li gor kultura xwe
çêdike. Yanî ger hunermendek xwediyê kultureke kûr be, ew ê li gorî wê jî
mûzîka xwe çêbike.
Nûdem: Gelo tu bi xwe mûzîka xwe çawan çêdikî. Tu li ser notayê dixebitî
an jî tu mîna piraniya mûzîkkarên kurd dixebitî?
Gulîstan: Na ez li ser notayê naxebitim. Ez bi xwe ne kompozîtor im û min
îlmekî mûzîkê yê kûr û dûr jî nexwandiye. Ez bawer im di civata kurdan de pir
kêm kes li ser notayê dixebitin. Lê ez hêvîdar im di pêşerojê de ez ê xwe di warê
mûzîkê de kûrtir bikim û bixwazibim mûzîkeke baş û bi demê re çê bikim.
Nûdem: Gava ku tu bi mûzîkê re mijûl nabî tu çi dikî? Entresa te û
xwendine çawa ye?
Gulîstan: Ez hewl didim ku pir bixwînim. Ez bi kêmanî rojê çend seatên xwe
didim xwendinê. Ez bi piranî edebiyeta bedew; roman, çîrok û helbestan
dixwînim. Lê ev nayê wê maneyê ku ez dûrî xwendina felsefe û psîkolojî û
sosyolojî me. Ez vê xwendina xwe bi sê zimana dikim.
Spas....
Nûdem 1995 hêjmar 16
Jİ CD YA -SÎNANÊ KİRÎV
1371-KANİYA EVÎNÊ
Ketim derya evîne
Feryat ket baxê jînê
591
Hêvî dikim kes nebîne
Hawar axîn û şîne
Mirim ji derdê evînê
Evîn girîn û şîne
girîn û şîne