Stran: L - Z

Berê xwe daye digo;
Xecê ji xera Xwedê re
Min e zaniba giriye te ji bo çi ye
Eger tu poşmanî rabe here mala bavê xwe
Tiştek di navbera min te da neqewimiye
Kelokekî mezin wê dayiyê erdê
Siyamend dest avête stirhê kelê kovî
Kelê kovî şaxeka veweşandî
Bi çengê Siyamendê malxirab wê dayiye
Di zinara Çiyayê Sîpanê de avêtiye
Siyamendo bi darê banê ve wê mayiye
Xeco bang dikir digo;
Siyamendo ma tu kanê?
Dengê Siyamedî kûr û dûr di guhê Xecokê da diçûyayî
Siyamend bang dikir digo
Xeco bîne werîsê heft gundan
Şilalê heft xiraran
Bîne hevdû vê girêde
Ka Siyamendê malxirab dernaxî ji nav herdû daran
Siyamend bang dikir digo
Xeco, were xwe girê bide bi xemla bûkaniyê
Li serê xwe girêbide poşiya Kurdanîyê
Ber serê min sê cara here were
Ji min re bêje di çîra bûkaniyê
Siyamend bang dikir digo
Xeco, sed caran dilê min hê we
Ez ketime di bextê te w Xwedêo
Ez nizanim piştî tê bibî rizq û nesîbe kê wo
Şeva bûkaniyê ez nizanim te serê xwe danî ser balgika kê wo
Xeco digo; Siyamendo.... Malxirabo..
Tu ê bes bike got e gote
Te goştê laşê min heland
Te cerga dilê min sota
Xeco ciwanê herdû pî jî kirin cot e
Siyamendo va ye ez ê hatim bat e
Guhê xwe bide du aşiqan û diyara
Li serê Sîpanê herdû şînbûne
Yek mêw e ye dî spandar e
498