Stran: L - Z

Digirtin û dibirin bajarê Îxdirê
Li ser sînor û taximanê dengîzê
Li şûna wana
Li şûna wana mane zaroyên çûçikan
Lo, lo di qondaxê de
Wele ji bîra me nare, hetanî bi axira zeman,
bi qîra qiyametê
Hetanî ku wahîdekî Kurmancan li dinê bimîne
Kêlekê merebîna, berî pêşelê zincîr û si‟eta
Milên martînan, hûrikên simbêlan
Bila xort û cihalên Kurdan û Kurmancan
Mîna berxê seydê serjêdikin
Lo, lo di bin kêrê de
Hawar, hawar, hawar, di bin kêrê de
Lo, lo Kurmancino, zozan e xweş zozan e
Lo, Kurdino zozan e, xweş zozan e
Hawar, hawar, hawar, xweş zozan e
Çiyakî bilind e, bi mij û dûman e
Birano, belekên berfê ji xwe re li Yêtekê dixuyan e
Xwedê dîne, bişewtîne, mala Tirkan e
Hukmata Tirkan e, gelê Kemal Paşan û ecnebiyan e
Hele, bala xwe bidine li bajarê Diyarbekrê
Li Çiyayê Dêrsimdaxê, nêrgîzdaxê
Bi ser Kurd Kurmancên mer de girtine
Bi sê qolan e
Bû guregura topan û nalenala şerefnalan
Koka me Kurdan qelandin
Bi ser Kurd û Kurmancên me de girtine,
Kekê, bi sê qolan e
Giştik çav zerik in, diran sêrek in, dev rûtik in
Alê danîne, alê danîne, kes nizane bav kîjan e
Hawar, hawar, hawar, hawar, Kemal Paşa
Lo, Kurmancino, zozan bi xwe bûne çiyakî li banî
Hawar, hawar, birano çiyakî li banî
Ji hukmeta Xwedê dîne û bişewtîne
Mala Hukmata Tirkan û Alemanî
Ez nizanim çi qanûn û çi nîzam û çi şerî‟et e
Sala mîna îsal kuştina peyên me yên Kurmancan
Ji me re bi dardekirin, bi lingên sêpiyan de ji me re danîn
Lo, lo Kurmancino, Bila ji bal û bîra we nere
Hetanî bi axira zeman û qira qiyametê
Wexta ku dagirtinSeyîd Abdil Qadir
Kela neyara, Şêx Seîdê Kal
403