Stran: L - Z

1169-QULİNGO -3
Qulingo, tu Qulingê vê Hemayê
Pişta te li behrê, berê te li sar û sermeyê,
Qe cewabeka xêrê ji aliyê seferiyê mala bavê min
sêwiye ji ni re nayê,
Qulingo, te gelek silav qîza Dele Misto kî,
Tê bê seferiyê mala bavê te ji vir da çûye,
ji wê de nayê,
Li min hêsîrê min kulpirê,
Minê pirsa seferiyê mala bavê xwe kiriye,
ji heywanê lal durê,
Xemê dilê min hindik bûn,
minê kulên dilê xwe sipartinê,
Kirne pirê
Qulingo, baran barî erdê me tozandin
Lêkir li pozê Kosîdaxa şewitî geliyê kûr pingandin,
Tê gelek silav li lawê pîrê ke,
Tê bê dosta te qîza Dele Misto di pê te ra xeml û xêzê xwe gişk qetandin.
Qulingo, baran barî erdê me şil kirin,
Tê gelek silav lawê pîrê ke
Tê bê dosta te qîza Dele Misto di pê te ra xeml û xêzê xwe jêkirin
Qulingo, tu qulingê devê çama
Lusa te li ser gira û xirba herêma
Ez terka seferiya mala bavê xwe nakim,
Heta ku xuy şîn nayê, qantir nazê, bi kêla kevirî, bi axa mezela
Serê xwe daynanim cara.
( web Kurdistan İnternet)
390